Հաջողակը (ֆիլմ)

Հաջողակը ռուս.՝ Везучая
Երկիր	ԽՍՀՄ
Ժանր	սպորտային ֆիլմ
Թվական	1987
Լեզու	ռուսերեն
Սցենարի հեղինակ	Գանա Սլուցկի
Դերակատարներ	Ելենա Մայորովա
Երաժշտություն	Վյաչեսլավ Գանելին
Կինոընկերություն	Մոսֆիլմ

«Հաջողակը» (ռուս.՝ «Везучая»), խորհրդային դրամատիկական ֆիլմ։

Սյուժե

Հայտնի մարզուհի, թեթևատլետ Տատյանա Բոլշակովան, հաղթելով վազքի առաջնությունում, հայտարարում է իր թիմին ու մարզչին, որ սպասում է երեխային, որի հոր հետ նա ծանոթացել է հարավում անցկացրած արձակուրդի ժամանակ։ Բորիսը փակ և մռայլ մարդ էր, և նրանք չեն կարողացել միասին մնալ, բայց Տատյանան հավատում է, որ վաղ թե ուշ նա կգա։

Նա սկսում է ապրել մի բնակարանում, որտեղ, մշտապես մասնակցելով մրցումների, երբեք չի ապրել և ծանոթանում է հարևանությամբ ապրող տատիկի հետ։ Շուտով Տատյանան երկվորյակ տղաներ է ունենում։ Փաստացիորեն մենակ մնալով՝ Տատյանան փորձում է միաժաանակ խնամել երեխաներին և վերագտնել իր նախկին մարզավիճակը։ Երեխաների խնամքի հարցում նրան սկսում է օգնել հարևանուհի Գալինա Տիմոֆեևնան, իսկ հետո գալիս է նաև մայրը։ Սակայն երկվորյակների տատիկը նույնքան անփորձ է երեխաների խնամքի հարցում, որքան նրանց մայրը։

Նոր կյանք սկսելու փորձերում ժամանակն անցնում է, և վերջապես Տանյայի մոտ է վերադառնում Բորիսը։

Դերերում

• Ելենա Մայորովա – Տատյանա Բոլշակովա
• Սերգեյ Գազարով – Բորիս
• Գալինա Սկորոբոգատովա – Գալինա Տիմոֆեևնա, Տանյայի հարևանուհին
• Վալերի Բարինով – Գրիգորի Պետրովիչ, մարզիչ
• Լյուդմիլա Դավիդովա – Տանյայի մայրը
• Օլգա Լեբեդևա – Տանյայի ընկերուհին
• Անտոն Տաբակով – Բորիսի հարևանը
• Իրինա Լադիգինա – Բորիսի մայրը

Ռեմեյք

2013 թվականի սեպտեմբերի 22-ին վարձույթում հայտնվել է ֆիլմի համանուն ռեմեյքը, որի ռեժիսորն է Ռոման Պրոսվիրնինը, որը հայտնի է որպես «Позвони в мою дверь», «Ամեն մեկն իր համար», «Հավասարումը բոլոր հայտնիներով», «Երբ մենք երջանիկ էինք», «Ահաբեկչություն սիրով», «Հանցակիցներ» ֆիլմերի ռեժիսոր։

Արտաքին հղումներ

• «Հաջողակը» ֆիլմը RusKino.Ru կայքում Արխիվացված 2021-06-19 Wayback Machine
• «Հաջողակը» ֆիլմը «Մոսֆիլմի» կայքում Արխիվացված 2016-03-04 Wayback Machine