Հայրապետ Մինասյան
- Վիքիպեդիայում կան հոդվածներ Մինասյան ազգանունով այլ մարդկանց մասին։
Հայրապետ Ալեքսանդրի Մինասյան | |
---|---|
Ընդհանուր տեղեկություններ | |
Ծննդյան թվական | 1956 սեպտեմբերի 7 |
Ծննդավայր | Սուխումի, Վրացական ԽՍՀ, ԽՍՀՄ |
Վախճանի թվական | ապրիլի 12, 2006 | (տարիքը 49)
Վախճանի վայր | Սոչի, Կրասնոդարի երկրամաս, Ռուսաստան |
Մարզիչ | Վաղարշակ Մաճկալյան Զավեն Աղաջանյան |
Կարիերայի ավարտ | 1984 |
Մեդալները | ||
---|---|---|
Տղամարդկանց հունահռոմեական ոճի ըմբշամարտ | ||
Եվրոպայի առաջնություն | ||
Բրոնզ | Բուրսա 1977 | 90 կգ |
ԽՍՀՄ առաջնություն | ||
Բրոնզ | Տաշքենդ 1977 | 90 կգ |
Բրոնզ | Զապորոժիե 1978 | 90 կգ |
Արծաթ | Դոնի Ռոստով 1981 | 100 կգ |
Արծաթ | Զապորոժիե 1982 | 100 կգ |
Հայրապետ Ալեքսանդրի Մինասյան[1] (7 սեպտեմբերի, 1956, Սուխումի - 12 ապրիլի, 2006, Սոչի), խորհրդային հունահռոմեական ոճի ըմբիշ, ԽՍՀՄ առաջնության քառակի մեդալակիր (1977, 1978, 1981, 1982), Եվրոպայի առաջնության մրցանակակիր (1977), ԽՍՀՄ միջազգային կարգի սպորտի վարպետ։
Կենսագրություն[խմբագրել | խմբագրել կոդը]
Հայրապետ Մինասյանը ծնվել է 1956 թվականի սեպտեմբերի 7-ին Սուխումիում։ Հունահռոմեական ոճի ըմբշամարտով սկսել է զբաղվել 10 տարեկանում Վաղարշակ Մաճկալյանի մոտ։ 1975 թվականից մարզվել է Զավեն Աղաջանյանի ղեկավարությամբ։ 1976 թվականին դարձել է ԽՍՀՄ և Եվրոպայի երիտասարդական առաջնությունների չեմպիոն։ 1977 թվականին դարձել է ԽՍՀՄ և Եվրոպայի առաջնությունների կիսածանր քաշային կարգի բրոնզե մեդալակիր։ 1980 թվականից հանդես է եկել ծանր քաշային կարգում։ 1981 և 1982 թվականներին դարձել է ԽՍՀՄ առաջնության արծաթե մեդալակիր։
1984 թվականին Հայրապետ Մինասյանն ավարտել է իր մարզական կարիերան։ 1991 թվականից բնակվել է Սոչի քաղաքում, 1995 թվականից տեղի մանկապատանեկան մարզադպրոցներից մեկում զբաղվել է մարզչական գործունեությամբ։
Մահացել է 2006 թվականի ապրիլի 12-ին։ 2008 թվականից Ադլերում անցկացվում են հունահռոմեկան ոճի ըմբշամարտի պատանեկան մրցաշար, որը նվիրված է Հայրապետ Մինասյանի հիշատակին[2]։
Ծանոթագրություններ[խմբագրել | խմբագրել կոդը]
- ↑ Որոշ աղբյուրներում Հայրապետ Մինասյանի ազգանունը սխալմամբ նշված է Մինոսյան։
- ↑ «Հայրապետ Մինասյանի հիշատակին նվիրված հունահռոմեական ոճի ըմբշամարտի երկրամասային պատանեկան մրցումներ». Արխիվացված է օրիգինալից 2014 թ․ մայիսի 17-ին. Վերցված է 2015 թ․ ապրիլի 6-ին.
Արտաքին հղումներ և աղբյուրներ[խմբագրել | խմբագրել կոդը]
- http://www.fila-official.com/index.php?option=com_database&Itemid=&act=ficheLutteur&id_lutteur=810A62FCE2634711A0889AA97EE6A0BD&filtre_pays=&lettre=&recherche_lutteur=&lang=en(չաշխատող հղում)
- Мягченков Н.И. Классическая и вольная борьба: Справочник. — М: Физкультура и спорт, 1984. — 240 с.։