Հայկ Ղուլյան

Հայկ Բաղդասարի Ղուլյան (մայիսի 8, 2001, Շեխեր, ԼՂՀ - հոկտեմբերի 4, 2020, Մեխակավան), Արցախյան երկրորդ պատերազմի ազատամարտիկ^[1]։

Կենսագրություն[խմբագրել | խմբագրել կոդը]

Ծնվել է 2001 թվականի մայիսի 8-ին Արցախի Հանրապետության Մարտունու շրջանի Շեխեր գյուղում։

2006-2018 թվականներին․ սովորել է Շեխերի միջնակարգ դպրոցում^[2]։

2018 թվականին ընդունվել է Երևանի պետական համալսարանի «Միջազգային հարաբերություններ» ֆակուլտետի «Միջազգային հարաբերություններ» բաժինը։

Հայկը փայլուն արդյունքներ է գրանցել դպրոցականների առարկայական օլիմպիադաներում։ Տիրապետում էր հայերենին, ռուսերենին և անգլերենին։

2019 թվականին զորակոչվել է Արցախի ՊԲ, որպես ժամկետային զինծառայող։ Ծառայության է անցել նախ Մեխակավանում, ապա Զինավանում։

Զոհվել է 2020 թվականի հոկտեմբերի 4-ին Մեխակավանում բեկորային վնասվածքից^[3]։