Հայկական խնդիրների ինստիտուտ
Հայկական խնդիրների ինստիտուտ | |
|---|---|
| Ընկերության տեսակ | Գիտական կազմակերպություն |
| Գլխավոր անձինք | Ալիս Մարուխյան (տնօրեն) Սուրեն Ծովիկյան (տեղակալ) (գործավար և փաստաբան) |
| Կայք | haydat-institut.org |
Հայկական հարցերի ինստիտուտ, (գերմ.՝ Institut fur armenische Fragen), գիտական կազմակերպություն, որի նպատակն է հետագոտել Հայկական հարցի պատմությունը, հայ արվեստն ու կրոնը, նաև հանրամատչելի դարձնել դրանց վերաբերյալ գիտելիքները։
Հիմնվել է 1977 թվականին, Մյունխենում, գիտական ընկերակցության սկզբունքով։ Հայկական խնդիրներ ինստիտուտի անդամներն են ինստիտուտի ծրագրում ընդգրկված հարցերն ուսումնասիրող տարբեր երկրների գիտնականներ։
Ինստիտուտը ձեռնարկել է «Հայերի ցեղասպանությունը» փաստաթղթերի ժողովածուի հրատարակումը։
Հրատարակվել են նաև գերմանացի պատմաբան Պ. Լաննեի «Հայաստան. XX դարի առաջին ցեղասպանությունը» (1977, գերմաներեն, 1978, անգլերեն) մենագրությունը, Լ. Մկրտչյանի «Արցախ-Ղարաբադ. անցյալը և ներկան» (1988, հայերեն) աշխատությունը և այլն։
Ինստիտուտի նախաձեռնությամբ հրավիրվել են հայկական հարցին նվիրված երեք համաեվրոպական գիտաժողովներ, որոնց հանձնարարությամբ ստեղծվել է «Հայ ժողովրդի իրավունքների պաշտպանության կոմիտե»։
Արտաքին հղումներ[խմբագրել | խմբագրել կոդը]
- Պաշտոնական կայք Արխիվացված 2014-04-05 Wayback Machine
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|