Սուրբ Մարիամ եկեղեցի (Բրեիլա)
| Սուրբ Մարիամ եկեղեցի | |
|---|---|
| Հիմնական տվյալներ | |
 | |
 | |
Սուրբ Մարիամ հայկական եկեղեցի (ռումիներեն՝ Biserica Armeană Sfânta Maria), Հայ առաքելական եկեղեցի Ռումինիայի Բրեիլա քաղաքում։ Առաջին անգամ եկեղեցին կառուցվել է Բրեիլայի հայ համայնքի կողմից 1828 թվականին և պատրաստված էր կանաչ փայտի տախտակներից։ Սակայն հին եկեղեցին այրվել է 1843 թվականին և քանդվել։ Եկեղեցու վերակառուցման աշխատանքները սկսվել են 1868 թվականի մայիսի 1-ին և ավարտվել 1872 թվականի հուլիսի 4-ին[1]։
Առաջին համաշխարհային պատերազմի ընթացքում Կենտրոնական տերությունների կողմից Ռումինիայի, այդ թվում՝ Բրեիլայի օկուպացիայի ժամանակ ավերվել է Սուրբ Մարիամ հայկական եկեղեցին[2], քաղաքի շատ հայեր ստիպված են եղել հեռանալ։
1934 թվականին արդյունաբերող Գրիգոր Բերզիվյանը ձեռնամուխ եղավ եկեղեցու վերանորոգման աշխատանքներին։ Բրեիլայի վերջին հայ հոգևորականը՝ Ղարիբյանը, մահացել է 1962 թվականին, և այդ ժամանակից ի վեր հայկական եկեղեցին ծառայություններ է իրականացնում միայն Ռումինիայի այլ քաղաքների հայ հոգևորականների աջակցությամբ[1][2]։ Այսօր Բրեիլայի հայկական եկեղեցին օգտագործվում է որպես քաղաքի փոքր հայկական համայնքի հավաքատեղի, որը 2005 թվականի դրությամբ բաղկացած է մոտ տասնչորս ընտանիքներից[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Mihalian, Ada (2005 թ․ մարտի 11). «Armenii - o comunitate pe cale de dispariție la Brăila». HotNews (ռումիներեն).
- ↑ 2,0 2,1 Gheorghe, Marian (2006 թ․ հունվարի 5). «Armenii și lipovenii sărbătoresc Crăciunul». Obiectiv Vocea Brăilei (ռումիներեն).