Հայաստանի պաուերլիֆտինգի ֆեդերացիա
Հայաստանի պաուերլիֆտինգի ֆեդերացիա | |
---|---|
Տեսակ | սպորտային Ֆեդերացիա |
Երկիր | Հայաստան |
Հապավում | ՀՊՖ |
Նախորդող | Հայաստանի աթլետիզմի ֆեդերացիա |
Հիմնադրված | 2001թ-ից |
Տարածաշրջան | Հայաստան, Արցախ, Սփյուռք, Ջավախք, |
Պաշտ. լեզու(ներ) | հայերեն |
Գլխավոր քարտուղար | Արա Էդուարդի Մարտիրոսյան |
նախագահ | Գագիկ Վաչիկի Սարոյան |
Փոխնախագահ | Գոռ Գևորգի Հովհաննիսյան |
Փոխնախագահ | Աֆյան Հայկ Սլավիկի |
Փոխնախագահ | Ադելինա Զոհրաբի Սարոյան |
Հիմնադիր | Գագիկ Վաչիկի Սարոյան |
Կայք | facebook.com/pfa.info/ |
Ծանոթագրություններ | Ուժային եռամարտ մարզաձև |
Հայաստանի պաուերլիֆտինգի ֆեդերացիա (Powerlifting Federation of Armenia), Հայաստանի Հանրապետությունում գործող ֆեդերացիա[1], որը զբաղվում է Հայաստանում, Արցախում, Սփյուռքում և Ջավախքում պաուերլիֆտինգի (ուժային եռամարտ) առաջնությունների կազմակերպմամբ և անցկացմամբ։ Մարզական ֆեդերացիան գրանցված է ՀՀ կրթության, գիտության, մշակույթի և սպորտի նախարարության պետական աջակցության ֆեդերացիաների կազմում[2]։
Պատմություն[խմբագրել | խմբագրել կոդը]
Ֆեդերացիան հիմնադրվել է 2001 թվականին ՀՀ վաստակավոր մարզիչ, ՀՀ սպորտի վաստակավոր վարպետ, ՀՀ Ֆիզկուլտուրայի և սպորտի վաստակավոր գործիչ Գագիկ Սարոյանի նախաձեռնությամբ[3]։ Անվանվել է Հայաստանի պաուերլիֆտինգի ֆեդերացիա (ՀՊՖ), ունի ներկայացուցչություններ Հայաստանի բոլոր մարզերում։ Հանդես է գալիս միջազգային մրցահարթակներում։
Սկսած 20-րդ դարի 70-ական թվականներից ինչպես նախկին ԽՍՀՄ մի շարք խոշոր հանրապետություններում, այնպես էլ Հայաստանում վերստին զարթոնք ապրեցին ուժային մարզաձևերը, որոնք մեկ անվանումով կոչվեցին աթլետիզմ։
ՀՀ Սպիտակ քաղաքի ավերիչ երկրաշարժից հետո, 1988 թ․-ին, սպորտում արդեն լուրջ առաջընթացներ գրանցած, ՀՀ սպորտի վաստակավոր վարպետ, սպիտակցի մարզիկ ու մարզիչ Գագիկ Սարոյանը հավաքագրեց երկրաշարժից տուժած անապահով և ծնողազուրկ երեխաներին, հաշմանդամներին, բացեց մարզական ակումբ, որոնցով և դրվեց ուժային եռամարտի հիմքը, նպատակ ունենալով նեցուկ լինել ազգային բանակին։
Իսկ 1990թ․-ին սպորտի վարպետ Ռազմիկ Այվազյանը հիմնադրեց աթլետիզմ մարզաձևերը, որի կազմում ներառվեցին 6 ուժային մարզաձևեր՝ բոդիբիլդինգ (կուլտուրիզմ), պաուերլիֆտինգ (ուժային եռամարտ), արմռեստլինգ (բազկամարտ), ծանրագնդամարտ, հաշմանդամների ուժային եռամարտ։
2001թ-ին պետական գրանցում ստացավ Հայաստանի պաուերլիֆտինգի ֆեդերացիան (ՀՊՖ)։ 2002թ-ին ՀՊՖ-ն դարձավ Միջազգային պաուերլիֆտինգի ֆեդերացիայի[4] անդամ և սկցեց իր հաղթարշավը ողջ աշխարհով։
Ներկայումս մարզական ֆեդերացիան[2] ունի շուրջ 40 մարզիչ և 3000 մարզիկ, ինչպես նաև ներկայացուցչություններ Երևան քաղաքում, Հայաստանի մարզերում, ինչպես նաև ՀՀ բուհերում և ուժային կառույցներում։ Համագործակցում է Հայաստանի «Հակադոպինգային գործակալություն» ՊՈԱԿ-ի հետ և պարբերաբար մասնակցում են դասընթացների և սեմինարների։
ՀՊՖ-ն անց է կացնում Հայաստանի պաուերլիֆտինգի առաջնություններ[5]՝ մեծահասակների, երիտասարդների, պատանիների, կանանց, հաշմանդամների, ուսանողական և դասախոսական։ Անց են կացվում նաև հուշամրցաշարեր, գավաթի առաջնություններ և ուսումնամարզական հավաքներ։ Մասնակցում են աշխարհի, Եվրոպայի, ԱՊՀ երկրների, և միջազգային մրցաշարերի։
Հայաստանի Պաուերլիֆտինգի ֆեդերացիայի կարգախոսն է՝ «Այսօրվա մարզիկը մեր վաղվա զինվորն է»։
ՀՊՖ տեխնիկական բնութագիր և կանոնակարգ[խմբագրել | խմբագրել կոդը]
Հայաստանի պաուերլիֆտինգի ֆեդերացիան գործում է Միջազգային պաուերլիֆտինգի ֆեդերացիայի կանոնակարգով և օրենքներով, ինպես նաև համագործակցում է WADA-ի (World Anti-Doping Agency) ներկայացուցիչ Հայաստանի «Հակադոպինգային գործակալություն» ՊՈԱԿ-ի հետ (ARM-NADO)։
Հայաստանի Պաուերլիֆտինգի Ֆեդերացիան՝ ուժային եռամարտը, իր մեջ ներառում է երեք վարժություն․
- Կքանիստ՝ ծանրաձողը ուսերին,
- Սեղմում պառկած դիրքից՝ ծանրաձողով,
- Ձգում հարթակից՝ ծանրաձողով մինչ գոտկատեղը։
Մրցումները մասնակիցների միջև անցկացվում են՝ ելնելով սեռից, քաշից և տարիքից։
Կանոնակարգը տարածվում է բոլոր տեսակի մրցաշարերի վրա՝ շրջանային, քաղաքային, հանրապետական և այլն, որոնք անցկացվում են Հայաստանի պաուերլիֆտինգի ֆեդերացիայի կանոնակարգով։
Ծանոթագրություններ[խմբագրել | խմբագրել կոդը]
- ↑ «Կազմակերպության մասին տեղեկություններ Սփյուռ տեղեկատվական կայքում։». Արխիվացված է օրիգինալից 2018 թ․ փետրվարի 12-ին. Վերցված է 2022 թ․ հունիսի 14-ին.
- ↑ 2,0 2,1 ԿԳՄՍՆ, ՀՀ. «Մարզաձևերի ազգային ֆեդերացիաներ». ՀՀ ԿԳՄՍՆ (ամհարերեն). Վերցված է 2022 թ․ հունիսի 15-ին.
- ↑ «Հայաստանի պաուերլիֆտինգի ֆեդերացիան ունի 34 տարվա պատմություն». "NewInfo" լրատվական հարթակ.
- ↑ «International Powerlifting Federation IPF - International Powerlifting Federation IPF». www.powerlifting.sport. Վերցված է 2022 թ․ հունիսի 14-ին.
- ↑ «Կայացավ Պաուերլիֆտինգի Հայաստանի առաջնությունը. հայտնի են հաղթողները». "NewInfo" լրատվական հարթակ. Վերցված է 2022 թ․ հուլիսի 4-ին.