ՀՀ առևտրային բանկեր

Վիքիպեդիայից՝ ազատ հանրագիտարանից
Jump to navigation Jump to search

Առևտրային բանկեր 1991 թվականին ՀՀ տարածքում գործել են 39, 1992 թվականին՝ 51, 1993 թվականին՝ 58 առևտրային բանկեր (ընդհանուր կապիտալը՝ 283 միլիոն դրամ), 62 գրավատուն և 7 ապահովագրական ընկերություններ։ Անդամակցող բանկերի շահերը պաշտպանելու նպատակով 1995 թվականին հիմնվել է Հայաստանի բանկերի ընկերակցությունը (նախագահ՝ Տ. Սարգսյան՝ 1995-1998), որը 1998 թվականին վերածվել է Հայաստանի բանկերի միության։ Կենտրոնական բանկի շենքը Երևանում (1931, մարտ՝ Նիկոլայ Բան) Ներկայումս ՀՀ-ում գործում են 21 առևտրային բանկեր՝ 405 մասնաճյուղերով։ Բանկերի ընդհանուր կապիտալը 318,9 միլիարդ դրամ է, ընդհանուր ակտիվները՝ 1 տրլն 560 միլիարդ դրամ, ընդհանուր պարտավորությունները՝ 1 տրլն 241 միլիարդ դրամ։1

ՀՀ ֆինանս, շուկայում ներառված են նաև 32 վարկային կազմակերպություններ՝ 60 մասնաճյուղերով, 11 ապահովագրական ընկերություններ և 5 ապահովագրական միջնորդներ (բրոքեր), ՀՀ արժեթղթերի շուկայի մասնակիցները՝ 8 ներդրումային ընկերություններ, Հայաստանի կենտրոնական դեպոզիտարիան և «Նասդաք ՕէմԷքս Արմենիա» ԲԲԸ-ն, 116 գրավատուն, 239 արտարժույթի առք ու վաճառք իրականացնող փոխանակման կետեր, արժութային հայ գործառուի գործունեությամբ զբաղվող 2 իրավաբան, անձինք, դրամ, փոխանցումներ իրականացնող 10 ընկերություն, վճարային 6 գործիք, վճարահաշվարկային փաստաթղթերի ընթացարկում (պրոցեսինգ) և հաշվանցում (քլիրինգ) իրականացնող 1 կազմակերպություն, 15 հաշվետու թողարկողներ։ 2011 թվականի սեպտեմբեր 7-ին Երևանում բացվել է Համահայկական բանկը (գլխավոր գործադիր տնօրեն՝ Վահրամ Ներսիսյանը), որը ֆինանսավորելու է համահայկական նշանակության նորարար, նախագծերը, որոնք իրականացնում են համահայկական ցանցի անդամ-մասնակիցներն աշխարհի ցանկացած կետում։ Բանկի հեռահար նպատակը հզոր տեղեկատվական ցանցի վրա հիմնված գործարար կապերի ստեղծումն է։ Համահայկական բանկի կանոնադրական կապիտալը մոտ 100 միլիոն դոլար է, որի 20 %-ը տրամադրել է ՀՀ Կառավարությունը։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստան հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png