ՀԽՍՀ դրոշ

Հայաստանի Խորհրդային Սոցիալիստական Հանրապետության դրոշ
Տեսակ	ազգային դրոշ
Երկիր	ՀԽՍՀ
Իրավասության տարածք	Հայկական ԽՍՀ
Հարաբերություն	1:2
Ընդունված է	1952 թվականի դեկտեմբերի 17
Չեղյալ	1990 թվականի օգոստոսի 24
Գույներ	կարմիր, կապույտ և ոսկեգույն
Պատկերված է	մուրճ և մանգաղ և Կարմիր աստղ

ՀԽՍՀ դրոշ, Հայկական Խորհրդային Սոցիալիստական Հանրապետության պետական խորհրդանիշ։ Ընդունվել է Հայկական Խորհրդային Սոցիալիստական Հանրապետության Գերագույն խորհուրդի հրամանով՝ 1952 թվականի դեկտեմբերի 17-ին։

Նկարագրություն

Ըստ Հայաստանի սահմանադրության (1978) 167-րդ հոդվածի.

Հայկական Խորհրդային Սոցիալիստական Հանրապետության պետական դրոշը իրենից ներկայացնում է կարմիր ուղղանկյուն, որի կենտրոնական մասում ամբողջ երկարությամբ ձգվում է կապույտ գիծ։ Դրոշի վերևի ձախ մասում պատկերված է ոսկյա մանգաղ և մուրճ, իսկ նրանց վերևում գտնվում է կարմիր հնգաթև աստղ՝ ոսկեգույն երիզով։ Էջի երկարության և լայնության հարաբերությունը 1:2 է:

1981 թվականի ապրիլի 29-ին հաստատվեց դրույթ՝ Հայկական Խորհրդային Սոցիալիստական Հանրապետության դրոշի մասին։ Այն մասնավորապես տալիս է Հայկական Խորհրդային Սոցիալիստական Հանրապետության պետական դրոշի մանրամասն նկարագրությունը։

«Հայաստանի Խորհրդային Սոցիալիստական Հանրապետության պետական դրոշը իրենից ներկայացնում է կարմիր ուղղանկյունաձև պաստառ, որի կենտրոնական մասում ամբողջ երկարությամբ ձգվում է կապույտ գիծ։ Դրոշի վերևի ձախ մասում պատկերված է ոսկյա մանգաղ և մուրճ, իսկ նրանց վերևում գտնվում է կարմիր հնգաթև աստղ՝ ոսկեգույն երիզով։ Էջի երկարության և լայնության հարաբերությունը 1:2 է:

Մուրճը և մանգաղը տեղակայված են քառակուսու մեջ, որի մի կողմը հավասար է դրոշի լայնության 1/5-ի։ Մանգաղի սուր ծայրը ուղված է դեպի վեր, իսկ բռնակները՝ դեպի վար։ Մուրճի երկարությունը կազմում է քառանկյան անկյունագծի 3/4 մասը։ Հնգաթև աստղը 1/10 լայնության տրամագծով ներգծվում է շրջանագծի մեջ՝ շոշափելով քառանկյան վերին կողմի կենտորնին։ Աստղի, մանգաղի և մուրճի ուղղահայաց առանցքի հեռավորությունը բևեռից հավասար է դրոշի լայնության 1/4 մասի։ Դրոշի վերին եզրի հեռավորությունը աստղի կենտորնից կազմում է դրոշի լայնության 1/11 մասը։»