Կոմի կուսական անտառներ

Վիքիպեդիայից՝ ազատ հանրագիտարանից
Jump to navigation Jump to search
WorldHeritageBlanc.svg
Կոմի կուսական անտառներ
Virgin Komi Forests*
ՅՈՒՆԵՍԿՕ-ի համաշխարհային ժառանգություն

Four herous01.JPG
Երկիր Կոմի հանրապետություն, Ռուսաստան
Տիպ Մշակութային
Չափանիշներ (vii), (ix)
Ցանկ ՅՈՒՆԵՍԿՕ֊ի ցանկ
Աշխարհամաս** Եվրոպա
Կոորդինատներ 63°37′33″N 58°57′9″E
Ընդգրկման պատմություն
Ընդգրկում 1995  (19 նստաշրջան)
Համար 719
* Անվանումը պաշտոնական անգլերեն ցանկում
** Երկրամասը ըստ ՅՈՒՆԵՍԿՕ-ի դասակարգման
Համաշխարհային UNESCO logo.svg ժառանգություն

Կոմի կուսական անտառներ (կոմի՝ Комилӧн вӧрзьӧдлытӧм вӧръяс), Կոմի հանրապետության բնության հատուկ պահպանվող տարածքներ, որոնք տեղակայված են Հյուսիսային և Մերձբևեռային Ուրալների արևմտյան լանջերին: Սա առաջին ռուսական բնության հուշարձանն է, որն ընդգրկված է ՅՈՒՆԵՍԿՕ-ի համաշխարհային ժառանգության ցանկում: Այն ներառում է դաշտավայրային և լեռնային տունդրա, որը Եվրոպայում պահպանված Բորեալ ժամանակաշրջանի (Հոլոցեն) առաջնային անտառներ են ընդարձակ ջրաճահճային համակարգով: Եվրոպայի ամենամեծ՝ 32.800 կմ² տարածքով կուսական անտառներն են[1]:

Կոմի կուսական անտառները պատկանում են ուրալյան տայգայի էկոհամակարգին: Դրանք տեղակայված են Պեչորա-Իլիչյան արգելոցի և «Յուգիդ Վա» ազգային պարկի տարածքում: Համաշխարհային ժառանգության ցանկում ընդգրկել է 1995 թվականին: Անտառների արևմտյան մասը գտնվում է նախալեռնային գոտում, իսկ արևելյան մասը՝ լեռնային: Անտառում մի քանի գետեր են հոսում: Անտառային կենդանական աշխարհը (ֆաունան) ներառում է ավելի քան 200 տեսակի թռչուններ, ինչպես նաև ձկների և կաթնասուների շատ հազվագյուտ տեսակներ: Անտառի ֆլորան ներկայացված է բույսերի հարյուրավոր տեսակներով, որոնց թվում կան հատուկ պահպանվող տեսակներ:

Առկա սպառնալիքներ[խմբագրել | խմբագրել կոդը]

«Յուգիդ Վա» ազգային պարկի տարածքում իրականացվում է ոսկու արդյունահանում՝ միջազգային և Ռուսաստանի օրենքների խախտմամբ: Չնայած շրջակա միջավայրի պաշտպանության հանձնաժողովի որոշմանը (այս անօրինական գործունեության մեջ ներգրավված ընկերությունները պարտավոր են կասեցնել ազգային պարկում հանքախուզական աշխատանքները)՝ ոսկու հանքավայրերը շահագործվում են:

Կոմի Հանրապետության Գերագույն դատարանը ընդունել է, որ ազգային պարկի սահմանների տեղափոխելու մասին հանրապետության ղեկավարի որոշումը անօրինական է: Համաձայն այդ որոշման՝ ոսկու արդյունահանման շրջանը հեռացված էր ինչպես ազգային պարկի տարածքից, այնպես էլ համաշխարհային ժառանգության վայրից: Այնուամենայնիվ, հանրապետության ղեկավարների՝ Գայզերի և Գապլիկովի կողմից ձեռնարկված սահմանները տեղափոխելու փորձերը դեռ շարունակվում են, ինչը խստորեն դատապարտվում է ազգային և միջազգային բնապահպանական կազմակերպությունների կողմից[2][3][4][5]:

Գրականություն[խմբագրել | խմբագրել կոդը]

  • Девственные леса Коми / Под ред. Таскаев, Анатолий Иванович. — М.: Дизайн. Информация. Картография, 2005. — 352 с. — 2000 экз. — ISBN 5-287-00262-9 (в пер.)

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

ՅՈՒՆԵՍԿՕ-ի դրոշը ՅՈւՆԵՍԿՕՀամաշխարհային ժառանգություն ,
օբյեկտ № 719
ռուս..անգլ..ֆր.