Կոմերցիոն անշարժ գույք
| Ենթակատեգորիա | սեփականություն, անշարժ գույք  | |
|---|---|---|
| Կիրառությունը | business activity | |
Կոմերցիոն անշարժ գույք (անգլ.՝ Commercial property, income property), անշարժ գույք` նախատեսված կա՛մ կապիտալի շահույթի, կա՛մ վարձակալության միջոցով շահույթ ստանալու համար[1]։
Կոմերցիոն սեփականության տեսակներից են գրասենյակային շենքերը, բժշկական կենտրոնները, հյուրանոցները, առևտրի կենտրոնները, մանրածախ խանութները, բազմաբնակարան բնակելի շենքերը, գյուղատնտեսական հողերը և ավտոտնակները:
ԱՄՆ-ի շատ նահանգներում որոշակի թվից ավելի միավորներ պարունակող բնակելի գույքը որակվում է որպես կոմերցիոն անշարժ գույք։
Քաղաքային տարածքներում կոմերցիոն տարածքում կարող են գործել մի քանի տարբեր ոլորտի ֆիրմաներ, օրինակ 1-ին հարկում մանրածախ առևտրի կենտրոն, իսկ 2-10 հարկերում՝ գրասենյակներ։
Տեղական իշխանությունները սովորաբար սահմանում են խիստ կանոնակարգեր ֆիրմաների գոտիավորման վերաբերյալ։
Կոմերցիոն անշարժ գույքերի տեսակներ
[խմբագրել | խմբագրել կոդը]Կոմերցիոն անշարժ գույքը սովորաբար բաժանվում է հինգ կատեգորիայի.
- Գրասենյակային շենքեր - այս կատեգորիան ներառում է փոքր գրասենյակային շենքեր, երկնաքերեր և այլն,
- Մանրածախ խանութներ/ռեստորաններ - այս կատեգորիան ներառում է ներկառուցված բազմավարձակալական մանրածախ առևտրի կենտրոններ, փոքր թաղամասերի առևտրի կենտրոնները և այլն[2],
- Բազմաբնակարանային - այս բաժինը ներառում է բազմաբնակարան համալիրներ կամ բարձրահարկ բազմաբնակարան շենքեր[3],
- Հողատարածքային - այս կատեգորիան ներառում է այն ներդրումային գույքերը, որոնց համար ընրտված են չմշակված, գյուղական հողերը,
- Արդյունաբերական - այս կատեգորիայում պահեստներն են, խոշոր հետազոտական օբյեկտները, սառնարանային պահեստները,
- Այլ - այս կատեգորիան բաղկացած է ցանկացած այլ ոչ բնակելի տարածքներ, ինչպիսիք են հյուրանոցները, բժշկական տարածքները և այլն:
| Կատեգորիա | Օրինակներ |
|---|---|
| Հյուրընկալություն | հյուրանոցներ, մոթելներ, հասարակական տներ, բարեր, ռեստորաններ, սրճարաններ, ճաշարաններ, մարզադաշտեր, կինոստուդիաներ, կինոթատրոններ |
| Մանրածախ | մանրածախ խանութներ, մթերային խանութներ, սուպերմարկետներ, առևտրի կենտրոններ, ցուցասրահներ |
| Գրասենյակային | գրասենյակներ |
| Առողջապահական | բժշկական կենտրոններ, հիվանդանոցներ, ծերանոցներ, կլինիկաներ, դիսպանսերներ |
| Բազմաբնակարանային | բազմաբնակարան բնակելի շենքեր |
| Ուսումնական | դպրոցներ, քոլեջներ, համալսարաններ |
| Արդյունաբերական | գործարաններ, պահեստներ, արտադրամասեր, ավտոտեխսպասարկման խանութներ |
| Գյուղատնտեսական | ֆերմաներ, դաշտեր, պտղատու այգիներ, ագարակներ, գոմեր, ախոռներ, կաթնամթերքի ֆերմաներ, խոզաբուծական ֆերմաներ, թռչնաբուծարաններ, ձկնաբուծարաններ |
Ներդրումներ
[խմբագրել | խմբագրել կոդը]Ներդրումների հիմնական տարրերն են դրամական միջոցների ներհոսքերը, արտահոսքերը և ռիսկը: Այս տարրերը վերլուծելու կարողությունը առանցքային նշանակություն ունի կոմերցիոն անշարժ գույքի ներդրողներին ծառայություններ մատուցելու համար:
Դրամական միջոցների ներհոսքերը և արտահոսքերն այն գումարներն են, որոնք ներդրվում գույքում կամ ստացվում են գույքից, ներառյալ սկզբնական գնման արժեքը և վաճառքից ստացված եկամուտը ներդրման ողջ կյանքի ընթացքում: Այս տեսակի ներդրումների օրինակ է անշարժ գույքի ֆոնդը:
Դրամական միջոցների մուտքերը ներառում են հետևյալ օրինակները.
- Վարձակալություն,
- Գործառնական ծախսերի վերականգնում,
- Ավտոկայանատեղի և այլ տիպի վճարներ,
- Հարկային արտոնություններ,
- Արժեզրկում։
Դրամական միջոցների արտահոսքերը ներառում են.
- Սկզբնական ներդրում (կանխավճար),
- Բոլոր գործառնական ծախսերը և հարկեր,
- Հիփոթեքի վճարում․
Միացյալ Նահանգներում կոմերցիոն անշարժ գույքի ընդհանուր արժեքը 2018 թվականին կազմել է մոտավորապես 6 տրիլիոն դոլար: Շուկայի հարաբերական հզորությունը չափվում է ԱՄՆ կոմերցիոն անշարժ գույքի ինդեքսով, որը հաշվարկվում է շաբաթական կտրվածքով[4]:
Ըստ Նյու Յորքի անշարժ գույքի հետազոտական ընկերություն Real Capital Analytics-ի տվյալների՝ ԱՄՆ-ում ավելի քան 160 միլիարդ դոլար արժողությամբ կոմերցիոն անշարժ գույք գտնվել է սնանկության մեջ: Ակնկալվել է, որ Եվրոպայում 960 միլիարդ եվրոյի պարտքի մոտ կեսը, որը ապահովված է եվրոպական կոմերցիոն անշարժ գույքով, կպահանջեր վերաֆինանսավորում երեք տարիներին ընթացքում: Այնուամենայնիվ, 2012 թվականին Եվրոպայի տնտեսության մեջ ներդրումը կարող էր գնահատվել 285 միլիարդ եվրո՝ ըստ «Ոչ ցուցակագրված տրանսպորտային միջոցների անշարժ գույքի ներդրողների եվրոպական ասոցիացիա»-ի (անգլ.՝ The European Association for Investors in Non-Listed Real Estate Vehicles) [5]։
Գրականություն
[խմբագրել | խմբագրել կոդը]- Maliene, V.; Deveikis, S.; Kirsten, L.; Malys, N. (2010). «Commercial Leisure Property Valuation: A Comparison of the Case Studies in UK and Lithuania». International Journal of Strategic Property Management. 14 (1): 35–48. doi:10.3846/ijspm.2010.04.
Ծանոթագրություններ
[խմբագրել | խմբագրել կոդը]- ↑ Investopedia Definition
- ↑ An, Xudong; Pivo, Gary (2018-01-03). «Green Buildings in Commercial Mortgage‐Backed Securities: The Effects of LEED and Energy Star Certification on Default Risk and Loan Terms». Real Estate Economics. 48 (1): 7–42. doi:10.1111/1540-6229.12228. ISSN 1080-8620. S2CID 158506082.
- ↑ Plazzi, Alberto (26 August 2010). «Expected Returns and Expected Growth in Rents of Commercial Real Estate». The Review of Financial Studies. 23 (9): 3469–3519. doi:10.1093/rfs/hhq069.
- ↑ AMADEO, KIMBERLY (July 31, 2018). «Commercial Real Estate and the Economy».
- ↑ Gareth, Lewis (2012). «Real estate in the real economy» (PDF). EPRA. Արխիվացված է օրիգինալից (PDF) 2013-05-17-ին.