Կաթի փոխարինիչներ

Վիքիպեդիայից՝ ազատ հանրագիտարանից

Կաթի փախարինիչներ, կերախառնուրդներ, որոնք սննդարարությամբ, մարսելիությամբ ու կենսաբանական հատկանիշներով մոտ են բնական կաթին և մատղաշների կերաբաժնում, սկսած կյանքի առաջին տասնօրյակից, օգտագործվում են դրա փոխարեն։

Կաթի փոխարինիչների հումքը սերզատած (յուղազուրկ) կաթն է, որի վրա ավելացնում են բուսական ու կենդանական յուղ, ճարպազանգված, վիտամիններ, միկրոտարրեր։ Տնտեսապես նպատակահարմար է կաթի փոխարինիչներ պատրաստել բուսական սպիտակուցներից, ձեթից, ոսկրայուղից և շիճուկի խառնուրդից։

Տեսակներ[խմբագրել]

Կաթի փոխարինիչները լինում են հեղուկ և չոր։ Վերջինս գերադասելի է, այն լավ պահպանվում և հեշտ տեղափոխվում է։

Կիրառություն[խմբագրել]

Կաթի փոխարինիչները օգտագործվում են գրեթե բոլոր երկրներում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png