Ծատուրի կամուրջ
 | |
|---|---|
| Երկիր |  Հայաստան[1] |
| Տեղանք | Վայոց ձորի մարզ, Շատին գյուղ |
| Նշանակություն | հանրապետական |
| Տեսակ | մշակութային արժեք և կամուրջ |
| Հիմնական թռիչք | Միաթռիչք |
| Լայնություն | 4,5 մ |
| Բարձրություն | 9,0 մ |
| Ժառանգության կարգավիճակ | մշակութային հուշարձան Հայաստանում[1] |
Ծատուրի կամուրջ, միջնադարյան կամուրջ Վայոց ձորի մարզի Շատին գյուղի շրջակայքում։ Ընդգրկված է Շատինի պատմության և մշակույթի անշարժ հուշարձանների ցանկում։
Պատմություն
[խմբագրել | խմբագրել կոդը]Ծատուրի կամուրջը գտնվում է Շատին գյուղից 4 կմ հարավ, Եղեգիս գետի աջ ափին, հիդրոէլեկտրակայանի դիմաց։ Միջնադարյան կամրջից պահպանվել է միայն աջափնյա խելը, իսկ արևմտյան մասը՝ շինարարական արձանագրության հետ միասին, քանդվել է գետի հեղեղման պատճառով։ Ըստ շինարարական արձանագրության, որի մասին հիշատակում է Ղևոնդ Ալիշանը, կամուրջը կառուցվել է 1666 թվականին, Շատիվանքի Սարգիս վարդապետի և վանականների ջանքերով։ Միաթռիչք, սլաքաձև կամարով կամուրջը կառուցված է կրաշաղախով շարված բազալտե քարերով։ Ճակատային պատերի համար օգտագործված են կոպտատաշ, իսկ թաղի համար՝ սրբատաշ քարեր։ Կամրջի հենամիջյան տարածությունը 13,0 մ է, բարձրությունը՝ 9,0 մ, թաղի լայնությունը՝ 4,5 մ։
Շատին վանքի կամուրջը՝ իր ճարտարապետական և կոնստրուկտիվ լուծումներով, 17-րդ դարի կամրջաշինության լավագույն հուշարձաններից է[2]։
Գրականություն
[խմբագրել | խմբագրել կոդը]- Հարությունյան Վ., Միջնադարյան Հայաստանի քարավանատներն ու կամուրջները, Երևան, 1960։
- Հասրաթյան Մ., Սյունիքի 17-18-րդ դարերի ճարտարապետական համալիրները, Երևան, 1973։