Ծակոտկենություն

Ծակոտկենություն, պինդ մարմնում ծակոտիների (կառուցվածքային տարրերի միջև եղած միջակայքերի կամ խոռոչների) չափերի և թվի ընդհանուր բնութագիրը։ Արտահայտվում է ծակոտկեն մարմնի ծավալի կամ զանգվածի միավորում պարունակվող ծակոտիների ծավալով, ինչպես նաև մարմնի տեսակարար մակերևույթով։

Ծակոտկենության սահմանումը

Ծակոտկենությունը $~\Pi$ սահմանվում է հետևյալ բանաձևով՝

$~\Pi =\left(1-\rho _{v}/\rho _{t}\right)\cdot 100\%$, որտեղ՝

• $~\rho _{t}$՝ նմուշի նյութի իրական խտությունը, (կգ/մ³)
• $~\rho _{v}=m/V$, որտեղ՝
  • $~m$ - նմուշի զանգվածը ծակոտիների հետ, (կգ)
  • $~V$ - նմուշի ծավալը ծակոտիների հետ, (մ³)

Տես նաև

• Ապարների ծակոտկենություն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 107)։