Խրյուշա
 | |
| Ստեղծման օր | 10 փետրվարի, 1971 թվական |
|---|---|
Խրյուշա (ռուս.՝ Хрюша), խոզուկ, «Բարի գիշեր, երեխաներ» (ռուս.՝ «Спокойной ночи, малыши!») հաղորդման տիկնիկային կերպար։
Կերպար
[խմբագրել | խմբագրել կոդը]Խրյուշայի ծննդյան օրը համարվում է 1971 թվականի փետրվարի 10-ը[1]։ «Բարի գիշեր, երեխաներ» հաղորդման մեջ Խրյուշան հանդես է գալիս անհնազանդ երեխայի դերում։ Նա ակտիվ է, հաճախ է չարաճճիություններ անում և ընկնում տարբեր պատմությունների մեջ։ Ի տարբերություն իր ընկերների՝ նա կատարում է անհասկանալի արարքներ, որոնցից նրանք ստիպված են լինում դուրս գալ բոլորով միասին։
1988 թվականին Խրյուշան մասնակցել է խորհրդային-ամերիկյան «Ազատ են լինելու... ընտանիք» (ռուս.՝ «Свободные быть… семьёй», անգլ.՝ Free to be… a family) նախագծին։ Նա Կրեմլում ընդունել է իր ամերիկյան գործընկերներ գորտ Կերմիտին և աղջիկ-խոզուկ Միսս Փիգիին, որ եկել էին հանդիպման «Չայկա» ավտոմեքենաներով, և դարձել «Մոսկվա-Նյու Յորք» հեռուստակամուրջի հաղորդավար[2][3]։
1990-ական թվականներին Խրյուշան եղել է Կիրիլ Նեմոլյաևի «ծանր» երաժշտությանը նվիրված «Нержавеечка» հաղորդման մշտական մասնակիցներից մեկը։ Կաշվե բաճկոն կրող Խրյուշային, ինչպես «Բարի գիշեր, երեխաներ» հաղորդման ժամանակ, հնչյունավորել է Նատալյա Դերժավինան[4].
Ձայն
[խմբագրել | խմբագրել կոդը]Ավելի քան 30 տարի՝ մինչև 2002 թվականը, Խրյուշային հնչյունավորել է Նատալյա Դերժավինան[4]։ Դրանից հետո Խրյուշային ու Ստեպաշկային հնչյունավորել է դերասանուհի Նատալյա Գոլուբենցևան։ Ապա հայտարարվել է քաստինգ, որին մասնակցել են շուրջ քսան[5] թեկնածուներ՝ դերասաններ, դերասանուհիներ և երգչուհիներ։ Մանրամասն ընտրության արդյունքում Խրյուշային հնչյունավորելու համար ընտրվել է դերասանուհի Օքսանա Չաբանյուկը Օբրազցովի անվան տիկնիկային թատրոնից[6]։ Ելենա Լոմտևան հնչյունավորել է Խրյուշային «Բարի լույս, երեխաներ» (ռուս.՝ «С добрым утром, малыши!») ծրագրում։
Նմանակումներ
[խմբագրել | խմբագրել կոդը]1990-ական թվականներին ТВ-6 ալիքի «Շաբաթը մեկ անգամ» (ռուս.՝ «Раз в неделю») հաղորդման ընթացքում ցուցադրվել է «Բարի գիշեր, երեխաներ» հաղորդման ծաղրանմանակումը, որին մասնակցել են Չիտան՝ անկիրթ ու կոպիտ կապիկը, Միկին՝ Միկի Մաուսին նման մկնիկը, և հաղորդավարները՝ մորաքույր Վալյան, հազվադեպ՝ մորաքույր Տանյան։
ОРТ ալիքի «Ջենտլմեն-շոու» (ռուս.՝ «Джентльмен-шоу») հաղորդումն ունեցել է «Բարի գիշեր, մեծահասակներ» (ռուս.՝ «Спокойной ночи, взрослые») բաժին, որին մասնակցել են «Բարի գիշեր, երեխաներ» հաղորդման «մեծացած» կերպարները։ Խրյուշան ներկայացվել է «նոր ռուսի» կերպարով՝ կարմիր պիջակով ու մուգ ակնոցով, լկտի պահվածքով։ Հաղորդմանը մասնակցել են նաև Կարկուշան՝ պառավ կոմունիստ, Ստեպաշկան՝ աղքատ մտավորական, Ֆիլյան՝ հարբեցող պահակ։
«Վատ երեխա» Խրյուշայի և «լավ երեխա» Ստեպաշկայի հակադրությունը «Հանգցրեք լույսը» (ռուս.՝ «Тушите свет») հեռուստահաղորդման հեղինակներին ոգեշնչել է ստեղծել նրանց նմանակներին՝ Խրյուն Մորժովին ու Ստեպան Կապուստային համապատասխանաբար։ Խրյուն Մորժովը պրոլետար է, սիրում է խմել, կոպիտ է ու անզուսպ, սիրում է կրկնել «Мощно задвинул, внушаить!» և մի քանի այլ արտահայտություններ։
Ծանոթագրություններ
[խմբագրել | խմբագրել կոդը]- ↑ «Талисману года — 35 лет. «Радио России»». Արխիվացված է օրիգինալից 2012 թ․ սեպտեմբերի 18-ին. Վերցված է 2019 թ․ մայիսի 21-ին.
- ↑ Youthful Energy Bridges Gap Between East, West Заметка в газете Chicago Tribune от 14 декабря 1988 года(անգլ.)
- ↑ Интервью Արխիվացված 2016-03-04 Wayback Machine с Андреем Меньшиковым в Музее телевидения и радио в Интернете
- ↑ 4,0 4,1 СКОНЧАЛАСЬ НАТАЛЬЯ ДЕРЖАВИНА
- ↑ Хрюша нашел свой новый голос «Комсомольская правда»
- ↑ ««Будь спок, малыш»!». Արխիվացված է օրիգինալից 2008 թ․ հոկտեմբերի 4-ին. Վերցված է 2019 թ․ մայիսի 21-ին.