Խտացրած կերեր
Խտացրած կերեր, կոնցենտրատներ, սննդանյութերի բարձր պարունակությամբ կերեր։ Դրանց շարքին են դասվում կերային հացահատիկը, լրիվօրա կերային համակցված կերերը (խտակերեր), տեխնիկական արտադրության որոշ թափոններ, նաև կենդանական ծագման կերերը։
Տեսակներ[խմբագրել | խմբագրել կոդը]
Ըստ սննդանյութերի բաղադրության՝ տարբերում են 2 խմբի խտացված կերեր՝ ածխաջրային (հարուստ են օսլայով և վարսակի, գարու, եգիպտացորենի և այլն հատիկների շաքարով, ալրաղացի թափոններով, չոր մզուքով, կակղակեղևով, տկուցքով և այլն) և պրոտեինային (հատիկաընդավոր մշակաբույսերի հատիկ, քուպ, շրոտ, մսային, մսաոսկրային, արյունային և ձկնային ալյուրներ)։ 1 կգ ածխաջրային խտացված կերերում պարունակվում է 0,7–1,3 կերային միավոր և 70–80 գրամ մարսելի պրոտեին, պրոտեինային խտացված կերեր՝ համապատասխանաբար՝ 0,7–1,2 և 180–350 գրամ։ Որոճող կենդանիների համար, որոնց օրակերի հիմքը կազմում են կոպիտ և հյութալի կերերը, խտացված կերերը ներառում են ընդհանուր և պրոտեինային սննդարարությունը բարձրացնելու համար։ Խոզերի, թռչունների և մորթատու գազանների օրակերի հիմքն են։
Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ |