Խտացված նյութի ֆիզիկա

Վիքիպեդիայից՝ ազատ հանրագիտարանից
Jump to navigation Jump to search

Խտացված (երբեմն՝ կոնդենսացված) նյութի ֆիզիկա, ֆիզիկայի բաժին, որը ուսումնասիրում է նյութի խտացված (կոնդենսացված) վիճակի ֆիզիկական հատկությունները[1]: Խտացված նյութի ֆիզիկան փորձում է հասկանալ այս վիճակների վարքը՝ օգտագործելով ֆիզիկայի օրենքները։ Մասնավորապես, սրանք ներառում են՝ քվանտային մեխանիկայի, էլեկտրամագնիսկանության և վիճակագրական մեխանիկայի օրենքները։

Ավելի ծանոթ խտացված վիճակներն են հեղուկ և պինդ մարմինները, իսկ ավելի «էկզոտիկ» խտացված վիճակները ներառում են՝ ցածր ջերմաստիճաններում ցուցադրվող գերհաղորդականության վիճակը, ատոմային վանդակների սպինների ֆերոմագնիսական և հակաֆերոմագնիսկական վիճակները և Բոզե-Այնշտայնի կոնդենսատ։ Խտացված նյութի ֆիզիկան ուսումնասիրում է նյութերի հատկությունները գիտափորձերով՝ օգտվելով տեսական ֆիզիկայի եղանակներից՝ ֆիզիկական վարքը հասկանալու համար կառուցելով մաթեմատիկական մոդելներ։

Համակարգերի և ֆենոմենների բազմազանության պատճառով խտացված նյութի ֆիզիկան ժամանակակից ֆիզիկայի ամենաակտիվ բաժինն է․ օրինակ՝ ամերիկացի ֆիզիկոսների մեկ երրորդը իրենց համարում են խտացված նյութի ֆիզիկոս[2], իսկ խտացված նյութի ֆիզիկայի բաժինը ամերիկյան ֆիզիկական ընկերության ամենամեծ բաժինն է[3]:

Ծանոթագրություններ[խմբագրել | խմբագրել կոդը]

  1. Taylor Philip L. (2002)։ A Quantum Approach to Condensed Matter Physics։ Cambridge University Press։ ISBN 0-521-77103-X 
  2. «Condensed Matter Physics Jobs: Careers in Condensed Matter Physics»։ Physics Today Jobs։ Արխիվացված օրիգինալից-ից 2009-03-27-ին։ Վերցված է 2010-11-01 
  3. «History of Condensed Matter Physics»։ American Physical Society։ Վերցված է մարտի 27, 2012 

Գրականություն[խմբագրել | խմբագրել կոդը]