Խոզայիններ

Խոզայիններ
Գիտական դասակարգում
Վերնաթագավորություն Կորիզավորներ Թագավորություն Կենդանիներ Ենթաթագավորություն Բազմաբջիջներ Տիպ Ողնաշավորներ Դաս Կաթնասուններ Ենթադաս Կենդանածիններ Ինֆրադաս Ընկերքավորներ Կարգ Երկսմբակավորներ Ենթակարգ Չորոճողներ Ընտանիք Խոզայիններ
Լատիներեն անվանում
Suidae
Դասակարգումը Վիքիցեղերում Պատկերների որոնում Վիքիպահեստում

Խոզայինների ընտանիք, ներառում է 5 ցեղի 16 տեսակի խոզեր, որոնցից նշանավոր են վայրի խոզերը, եղջերախոզը կամ բաբիրուսը, գորտնուկախոզը, վրձնականջ խոզը կամ գետախոզը, անտառային մեծ խոզը և այլն։ Ընտանի խոզը համարվում է վայրի խոզի ենթատեսակ, որն ընտելացվել է ավելի քան 10 հազար տարի առաջ։ Վայրի խոզերը տարածված են Եվրասիայում և Աֆրիկայում, իսկ ընտանի խոզը հանդիպում է բոլոր մայրցամաքներում (բացի Անտարկտիդայից)։ Որոշ մայրցամաքներում հանդիպում են նաև ընտանի խոզի վայրենացված տեսակներ։

Վայրի խոզ

Վայրի խոզը կոչվում է նաև վարազ, կինճ։ Վայրի խոզը ապրում է անտառներում և եղեգնուտներում։ Ցերեկը թաքնվում է բնում, իսկ գիշերը սնվում է։ Վարազն ամենակեր է. սնվում է պտուղներով, արմատներով, խխունջներով, ձվերով, որդերով, մողեսներով ու նույնիսկ օձերով։ Մարմնի երկարությունը մինչև 2,4 մ է, քաշը՝ մինչև 270 կգ։

Ընտանի խոզ

Ընտանի խոզին բազմացնում են մսի համար։ Վարազի նման ամենակեր է։ ԸՆտելացման արդյունքում վերածվել է ցերեկային կենդանու, ավելի շատ ձագեր է ունենում, քան վարազը։ Քաշով ու մեծությամբ գերազանցում է վարազին։ Ընտանի խոզը լույս աշխարհ է բերում 10-12 ձագ, ծնում է տարվա մեջ երկու անգամ։ Խոզի ձագերը գիրանում են շատ արագ, 6 ամսականում կարող են կշռել 100 կգ։ Խոզի ձագը կոչվում է խոճկոր, գոջի կամ խոզուկ։ Հայտնի է ընտանի խոզի մոտ 100 ցեղատեսակ։

Պատկերասրահ

բաբիրուս կամ եղջերախոզ

մեծ անտառային խոզ

Ընտանի խոզ (էգը ձագի հետ)

Վարազ

Սովորական գորտնուկախոզ

Վզնոցավոր մշկախոզ