Խիտին

Վիքիպեդիայից՝ ազատ հանրագիտարանից
Խիտինի մոլեկուլային կառուցվածքը

Խիտին (հին հուն․՝ χιτών, (C8H13NO5)n), ածխաջրերի խմբի օրգանական նյութ։ Ազոտ պարունակող միակ բնական բարդ բազմաշաքարն է։ Խիտին տերմինն առաջարկել է ֆրանսիացի Ա. Օդյեն՝ միջատների արտաքին, ամուր ծածկույթն ուսումնասիրելիս։ Խիտինը պարունակվում է հոդվածոտանիների արտաքին կմախքի (ծածկույթի) բաղադրության մեջ, ինչպես նաև որոշ ջրիմուռների ու բակտերիաների բջջաթաղանթում։ Խիտինը չի լուծվում ջրում և օրգանական լուծիչներում, կայուն է քիմիական ազդեցությունների նկատմամբ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png