Լևոն Սյունի

Լևոն Սյունի
Ծնվել է	մո­տավորապես 1880
Ծննդավայր	Սեբաստիա, Սեբաստիայի նահանգ
Մահացել է	22 դեկտեմբերի, 1915 (կամ 1916)
Մահվան վայր	Կարին, Էրզրումի վիլայեթ, Օսմանյան կայսրություն
Ազգություն	հայ
Կրթություն	Բեյրութի ամերիկյան համալսարան
Մասնագիտություն	բժիշկ
Աշխատավայր	Սեբաստիայի հայ­կա­կան ազ­գա­յին հի­վան­դա­նո­ց, Սեբաստիայի կա­ռա­վա­րա­կան հի­վան­դա­նո­ց
Ծնողներ	Գարեգին Սյունի

Լևոն Գարեգինի Սյունի (մոտավորապես 1880, Սեբաստիա, Սեբաստիայի նահանգ- 22 դեկտեմբերի, 1915 (կամ 1916, Կարին), հայ բժիշկ։

Կենսագրություն

Ծնվել է մոտավորապես 1880 թվականին Սեբաստիայի նահանգի Սեբաստիա քաղաքում՝ անվանի բժիշկ Գարեգին Սյունիի (Հեքիմյան, 1851-1939) ընտանիքում, այլ աղբյուրում՝ առևտրականի ընտանիքում։ 1900/1905 թվականին ավարտել է Բեյրութի ամերիկյան համալսարանի բժշկական ֆակուլտետը։ 1914 թվականից Սեբաստիա քաղաքի հայկական ազգային հիվանդանոցում (հիմնադրվել է 1889 թվականին) և կառավարական հիվանդանոցում բժիշկ (վիրաբույժ) է աշխատել։

1914 թվականին՝ Առաջին համաշխարհային պատերազմի ժամանակ, զորակոչվել է օսմանյան բանակ և զինվորական բժիշկ ծառայել 10-րդ զորաբաժնի Կարինի շրջուն հիվանդանոցում։ 1915 թվականի դեկտեմբերի 22-ին մահացել է ժանտախտից կամ թոքախտից, այլ աղբյուրում՝ 1916 թվականին սպանվել է Կարինի ռազմաճակատում։

Գրականություն

• Հայ բժշկութեան տուած զոհերը, ցուցակագրուած վաւերական փաստերով, Կ. Պոլիս, 1919։
• Գուժկան Սեբաստիոյ (Կ. Գաբիկեան), Եղեռնապատում Փոքուն Հայոց եւ նորին մեծի մայրաքաղաքին Սեբաստիոյ, Պոսթըն, 1924։
• Յարման Արսեն, Հայերը օսմանյան առողջապահության ծառայության մեջ և պատմություն սուրբ Փրկիչ հայոց հիվանդանոցի (թուրքերեն), Ստամբուլ, 2001։
• Խաչատրյան Լ. և ուրիշներ, Ցուցակ Հայոց ցեղասպանության զոհերի (1915-1923), գիրք 1, Սեբաստիայի նահանգ, Երևան, 2004։
• Քէստենեան Հրաչ, Պէյրութի Ամերիկեան Համալսարանէն Շրջանաւարտ Եւ Մեծ Եղեռնին Նահատակուած Հայ Բժիշկներ, «Ազ­դակ», 01-11-2012։

Աղբյուր

• Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։