Լևոն Ավետիսյան (մայոր)
Անվան այլ կիրառումների համար տե՛ս՝ Լևոն Ավետիսյան (այլ կիրառումներ)
| Լևոն Ավետիսյան | |
|---|---|
.jpg) | |
| Ծնվել է | մարտի 18, 1990 |
| Ծննդավայր | Վաղարշապատ, Հայկական ԽՍՀ, ԽՍՀՄ |
| Մահացել է | հոկտեմբերի 12, 2020 (30 տարեկան) |
| Մահվան վայր | Հադրութի շրջան, Արցախ |
| Գերեզման | Եռաբլուր |
| Քաղաքացիություն |  Հայաստան |
| Կրթություն | Վազգեն Սարգսյանի անվան ռազմական ակադեմիա |
| Մասնագիտություն | ռազմական գործիչ |
| Պարգևներ և մրցանակներ | «Ծառայության համար» ռազմական հետախուզության կրծքանշան, «Արիության համար» մեդալ, «Անբասիր ծառայության համար» 1֊ին աստիճանի գերատեսչական մեդալ, «ՀՀ Զինված ուժեր 20 տարին» հոբելյանական մեդալ, «Լեոնիդ Ազգալդյան» մեդալ |
Լևոն Արմենակի Ավետիսյան (մարտի 18, 1990, Վաղարշապատ, Հայկական ԽՍՀ, ԽՍՀՄ - հոկտեմբերի 12, 2020, Հադրութի շրջան, Արցախ), ռազմական գործիչ, Հայաստանի զինված ուժերի սպա, մայոր։ Զոհվել է 2020 թվականին տեղի ունեցած Հայ-ադրբեջանական պատերազմի մարտական գործողությունների ժամանակ։
Կենսագրություն[խմբագրել | խմբագրել կոդը]
Ծնվել է 1990 թվականի մարտի 18-ին Հայաստանի Արմավիրի մարզի Էջմիածին քաղաքում։ 1997 թվականին ընդունվել է Վաղարշապատի Մ. Մաշտոցի անվան թիվ 1 հիմնական դպրոցը։ 2005-2007 թվականներին սովորել է Արմավիրի մարզի «Տիգրան Մեծ» ռազմամարզական հատուկ վարժարանը։ 2008 թվականին ընդունվել է Վազգեն Սարգսյանի անվան ռազմական համալսարանը և 2012 թվականին գերազանցության դիպլոմով ավարտել այն[1]։
Նույն թվականից ծառայության է անցել Արցախի Հանրապետության Պաշտպանության բանակում որպես սպա։
2016 թվականին Լևոն Ավետիսյանը եղել է ավագ լետենանտ՝ Արցախի Հանրապետության Պաշտպանության բանակի հատուկ նշանակության գնդի վաշտի ղեկավար։ Մասնակցել է Ապրիլյան պատերազմին, որի ժամանակ ստացել է մայորի կոչում ու 2016-2017 թվականներին նշանակվել Ջաբրայիլի զորամասի գնդի հետախուզության պետ[2]։ Քառօրյա պատերազմից հետո Արցախի նախագահը պարգևատրել է «Արիության մեդալով»։
Զոհվել է հոկտեմբերի 12-ին՝ Հադրութի շրջանի Սարինշեն գյուղում, մարտական առաջադրանք կատարելիս 2020 թվականին տեղի ունեցած Հայ-ադրբեջանական պատերազմի ռազմական գործողությունների ժամանակ[3]։
Հուղարկավորվել է 2020 թվականի հոկտեմբերի 15-ին Եռաբլուր պանթեոնում։
Ընտանիք[խմբագրել | խմբագրել կոդը]
Լևոն Ավետիսյանը 5 օրյա ամուսնացած էր, կինը՝ Մայրանուշ Երանյանն է, հայրը՝ Արմենակ Ավետիսյանը եղել է Արցախյան առաջին պատերազմի մասնակից, մայրը՝ Գայանե Ավետսիյանն է, եղբայրը՝ Դավիթ Ավետիսյանը։
Պարգևներ[խմբագրել | խմբագրել կոդը]
- «Ծառայության համար» ռազմական հետախուզության կրծքանշան
- «Արիության համար» մեդալ
- «Անբասիր ծառայության համար» 1֊ին աստիճանի գերատեսչական մեդալ
- «ՀՀ Զինված ուժերի 20 ամյակի հոբելյանական» մեդալ
- «Լեոնիդ Ազգալդյան» մեդալ
Ծանոթագրություններ[խմբագրել | խմբագրել կոդը]
- ↑ Մայոր Ավետիսյանը սեպտեմբերի 26-ին ամուսնացավ, 27-ին պատերազմը սկսվեց
- ↑ «Լևոնս երկար էր սպասել հարսանիքին՝ 5 տարի, բայց միասին ապրեցին ընդամենը 5 օր»
- ↑ «Ժպտացող հետախույզը՝ «Ռազվետկի Լյովը» | Qahana.am». www.qahana.am. Արխիվացված է օրիգինալից 2021 թ․ ապրիլի 10-ին. Վերցված է 2021 թ․ փետրվարի 20-ին.