Չեն Լու
Չեն Լու | |
---|---|
![]() | |
Անձնական տեղեկություն | |
Սեռ՝ | իգական |
Մասնագիտացում՝ | գեղասահորդուհի և figure skating choreographer |
Երկիր՝ | ![]() |
Ծննդյան ամսաթիվ՝ | նոյեմբերի 24, 1976 (47 տարեկան) |
Ծննդավայր՝ | Չանչուն, Չինաստան |
Չեն Լու' (ռուս.՝ Чэнь Лу , նոյեմբերի 24, 1976, Չանչուն, Չինաստան). չինացի գեղասահորդուհի, հանդես է եկել մենասահքում։ Երկու անգամ օլիմպիական բրոնզե մեդալակիր (1994 և 1998), գեղասահքի Աշխարհի չեմպիոն, ինչպես նաև Չինաստանի իննակի չեմպիոն։
Կենսագրություն
[խմբագրել | խմբագրել կոդը]Չեն Լուի հայրը նախկինում հոկեյիստ էր։ Աշխատում էր որպես հոկեյի մարզիչ, իսկ մայրը զբաղվում էր սեղանի թենիսով։ Չեն Լունն իր առաջին չմուշկները ստացել է հինգ տարեկանում հորից։
1990 թվականի վերջին նա պատանիների Աշխարհի առաջնությունում բրոնզե մեդալ նվաճեց, ինչը չինացի գեղասահորդների առաջին մեդալն էր աշխարհում։
1994 թվականին նա բրոնզե մեդալ նվաճեց Լիլեհամերի Օլիմպիական խաղերում։ Եվ այս մեդալը Չինաստանի գեղասահքի օլիմպիական առաջին մեդալն էր։ 1995 թվականին նա դարձավ աշխարհի չեմպիոն, և սա մինչ օրս չինացի մենասահորդուհիների միակ ձեռքբերումն է։
1997 թվականին նա Աշխարհի առաջնությունում լուրջ վնասվածքից հետո միայն 25-րդն էր։ Այդ ժամանակ էլ չինացի գեղասահորդուհին տեղափոխվեց ԱՄՆ, փոխեց մարզչին և խորեոգրաֆին, իսկ 1998 թվականի Նագանոյի օլիմպիադային նորից կանգնեց պատվանդանի երրորդ հորիզոնականին։
Սիրողական կարիերայի ավարտից հետո Չեն Լուն երկու սեզոն մեկնել է հյուրախաղերի «Stars on Ice»-ի շոուի հետ, ինչպես նաև մասնակցել է պրոֆեսիոնալների մրցույթների։
Չինաստանի գեղասահքի ֆեդերացիան Չեն Լուին խնդրեց մասնակցել Չինաստանի 2001 թվականի 9-րդ ազգային խաղերին (խաղերն անցկացվում են չորս տարին մեկ՝ Օլիմպիական խաղերի անալոգիայի միջոցով, բայց միայն չինացի մարզիկների շրջանում), որտեղ էլ նա և հաղթեց։
2005 թվականի հուլիսին Չեն Լուն ամուսնացավ Ռուսաստանի մենասահորդ Դենիս Պետրովի հետ՝ 1992 թվականի ձմեռային օլիմպիական խաղերի արծաթե մեդալակրի հետ։ 2006 թվականի հունիսի 28-ին ծնվել է նրանց որդին՝ Նիկիտան, իսկ 2008 թվականի հուլիս 8-ին աղջիկը՝ Անաստասիան։ Ընտանիքը երկար ժամանակ ապրում էր Սան Ֆրանցիսկոյում, քանի որ Չեն Լուն և Դենիսը ԱՄՆ-ի հպատակություն ունեցող քաղաքացիներ են, այնուհետև տեղափոխվել են Չինաստան[1]։
Այժմ Չեն Լուն հանդիսանում է Համաշխարհային գեղասահքի ակադեմիայի (անգլ.՝ World Ice Arena Skating Academy) ղեկավարը, որը գտնվում է Հոնկոնգի մերձակայքում գտնվող Շենժեն քաղաքում։ Զուգահեռաբար նա նա խորեոգրաֆիկ աշխատանքներ է կատարել չինացի գեղասահորդների հետ, ինչպես նաև հեռուստացույցով մեկնաբանում է գեղասահքի մրցույթները։
2007 թվականին Չեն Լուն աջակցեց Ռուսաստանի Սոչիի հայտը 2014 թվականի Ձմեռային Օլիմպիական խաղերին։
Սպորտային ձեռքբերումներ
[խմբագրել | խմբագրել կոդը]Մրցումներ/Մրցաշրջան | 1990 | 1991 | 1992 | 1993 | 1994 | 1995 | 1996 | 1997 | 1998 | 2001 |
Ձմեռային օլիմպիական խաղեր | 6 | 3 | 3 | |||||||
Գեղասահքի Աշխարհի առաջնություն | 12 | 3 | 3 | WD | 1 | 2 | 25 | |||
Գեղասահքի Աշխարհի առաջնություն պատանիների կարգում | 3 | 3 | ||||||||
Գեղասահքի Չինաստանի առաջնություն | 1 | 1 | 1 | 1 | 1 | 1 | 1 | 1 | 1 | |
NHK Trophy|Գրան-Պրիի փուլեր. NHK Trophy | 3 | 1 | 1 | 3 | ||||||
Skate America|Գրան-Պրիի փուլեր. Skate America | 4 | 3 | 2 | WD | ||||||
Skate Canada International|Գրան-Պրիի փուլեր. Skate Canada | 1 | |||||||||
Trophée Eric Bompard|Գրան-Պրիի փուլեր. Trophée Eric Bompard | 2 | WD | 4 | |||||||
Գրան-պրիի եզրափակիչ | 4 | |||||||||
Չինաստանի ազգային խաղեր | 1 | |||||||||
Ասիական ձմեռային խաղեր | 1 | |||||||||
Կարլ Շեֆերի հուշամրցաշար | 1 |
WD=դուրս է եկել մրցումներից
Ծանոթագրություններ
[խմբագրել | խմբագրել կոդը]- ↑ «Свадьба китайской «бабочки на льду» и российского «ледового принца»». Արխիվացված է օրիգինալից 2009 թ․ նոյեմբերի 27-ին. Վերցված է 2019 թ․ սեպտեմբերի 28-ին.