Լորենց ազգային պարկ

Լորենց ազգային պարկ
Տեսակ	national park of Indonesia?
Երկիր	Ինդոնեզիա
Վարչատարածք	Պապուա (Ինդոնեզիայի գավառ)
Հիմնվել է	1997
Մակերես	25,056 կմ² և 2 350 000 հեկտար
Անվանված է	Hendrikus Albertus Lorentz?

Լորենց (ինդոն.՝ Taman Nasional Lorentz), ազգային պարկ Ինդոնեզիայի Պապուա գավառում։ Հարավարևմտյան Ասիայի ամենամեծ բնապահպանական տարածքն է^[1]։ 2008 թվականին ընգրկվել է ՅՈՒՆԵՍԿՕ-ի Համաշխարհային ժառանգության օբյեկտների ցանկում^[2]։

Աշխարհագրություն[խմբագրել | խմբագրել կոդը]

Պարկի մակերեսը 25 056 կմ² է։ Լորենցը Նոր Գվինեայի կենսաբանական բազմազանության ակնառու օրինակ է։ Սա Ասիայի խաղաղօվկիանոսյան տարածաշրջանում միակ արգելոցն է, որն իր մեջ ներառում է էկոհամակարգերի ամբողջական զանգված, որոնք ընդգրկում են ծովափնյա շրջաններ, մանգրա, ճահճուտներ, դաշտավայրեր, լեռնային արևադարձային անտառներ, ալպյան գոտի և սառցադաշտեր։ Ունենալով ծովի մակարդակից 4884 մ բարձրություն՝ Պունչակ-Ջայա լեռը Հիմալայների և Անդերի միջև գտնվող ամենաբարձր լեռն է։

Այստեղ հավանաբար կան դեռևս գիտությանը անհայտ բույսերի և կենդանիների տեսակներ։

Ֆաունա[խմբագրել | խմբագրել կոդը]

Պարկում ներկայացված է թռչունների 630 տեսակ (Պապուայի տեսակների մոտ 70 %-ը) և 123 կաթնասունների տեսակներ։ Թռչունները ներառում են իրենց մեջ կազուարների 2 տեսակ, 31 տեսակ աղավնի, 31 տեսակ կակադու, 13 տեսակ ալկիոններ^[3]։ Անհետացման վտանգի տակ գտնվող թռչունների թվում են հարավային կազուարները, շագանակակուրծք պսակակիր աղավնին, արծվային թութակը, գծավոր բադը^[4]։

Կաթնասունները ներառում են իրենց մեջ այնպիսի տեսակներ, ինչպիսիք են ավստրալիական եքիդնան, անտառային կատուն, կուսկուսները և այլն^[3]։ Սուդիրման լեռնաշղթայի էնդեմիկներից դինգիսո կենգուրուի տեսակը արևմտյան գիտության համար բացահայտվել է 1995 թվականին։

Բնակչություն[խմբագրել | խմբագրել կոդը]

Ազգային պարկի տարածքը բնակեցված է մարդկանցով ավելի քան 25 000 տարի։ Լորենցի անտառները 8 ցեղերի բնակության ավանդական տարածք են, այդ թվում՝ ասմաթ, ամունգմե, դանի, սեմպան, նդուգա։ Պարկի ներկայիս բնակչությունը կազմում է 6300-10000 մարդ^[4]։