Լյուքսեմբուրգի քաղաքային պատմության թանգարան

Վիքիպեդիայից՝ ազատ հանրագիտարանից
Լյուքսեմբուրգի քաղաքային պատմության թանգարանը
Թանգարանի բակը և տանիքը

Լյուքսեմբուրգի քաղաքային պատմության թանգարան (ֆրանս․՝ Musée d'histoire de la Ville de Luxembourg), ցուցադրում է Լյուքսեմբուրգ քաղաքի հազարամյա պատմությունը՝ և՛ մշտական, և՛ ժամանակավոր ցուցանմուշներով։ Հիմնադրվել է 1996 թվականի հունիսի 22-ին և նախագծվել է Լյուքսեմբուրգի ճարտարապետ Քոնի Լենցի կողմից և Repérages-ում՝ Փարիզում[1][2]։

Թանգարան[խմբագրել | խմբագրել կոդը]

Քաղաքի նման, թանգարանն էլ հաջողությամբ համատեղում է հին ճարտարապետությունը՝ նոր ժամանակակից լուծումներով։ Այն տեղակայվել է 17-19-րդ դարերի չորս վերականգնված տներում, որոնք դեռևս կրում են միջնադարյան հնագիտական հետքերը։ Օրինակներ, թե ինչպես կարելի է համատեղել հին շինությունները թանգարանի այցելուների ակնկալիքների հետ․ լողացող ապակիների ճակատամասը և համայնապատկերային վերելակը, որտեղից կարելի է լիարժեք տեսնել բոլոր հարկերը[3]։ Վերելակի հսկայական ապակին կարող է տեղավորել 65 մարդկանց, ովքեր կարող են քարե հիմքերով ստորին մակարդակներում տեսնել տեսարաններ, ինչպես նաև քաղաքի Գրանդ թաղամասի և Ռհամ բարձրավանդակի վերին մակարդակների տեսարանները՝ դարերի ընթացքում բացահայտելով Լյուքսեմբուրգի պատմության փուլերը[4]։ Հետաքրքիր են նաև հնագույն, կամարակապ նկուղները, որոնք հայտնաբերվել են պեղումների աշխատանքների ընթացքում՝ մինչև 1990-ական թվականները[5]։

Ներքևի՝ փողոցին կից հարկի մակարդակում, մշտական հավաքածուն է, որը ցուցադրում է քաղաքի ճարտարապետական և քաղաքային զարգացումը, մինչդեռ վերին հարկերը պահվել են ժամանակավոր ցուցադրությունների համար[6]։ Մուլտիմեդիա համակարգը ընդարձակում է քաղաքի պատմության փաստաթղթերը՝ ներառելով նրա մշակութային, քաղաքական և սոցիալական զարգացումը։ Այն ապահովում է մուտքը դեպի մոտ 10,000 փաստաթղթեր և շուրջ 60 աուդիո-տեսողական տեսանյութեր[5][7]։

Տեղակայվածություն[խմբագրել | խմբագրել կոդը]

Թանգարանը տեղակայված է հին քաղաքում՝ rue du Saint-Esprit . Այն հանրության համար բաց է ամեն օր բացի երկուշաբթի օրվանից, ժամը 10։00-18։00[2]։

Ծանոթագրություններ[խմբագրել | խմբագրել կոդը]

  1. "Musée d'histoire de la Ville de Luxembourg", Luxemburger Lexikon, Editions Guy Binsfeld, 2006.
  2. 2,0 2,1 "Musée d'histoire de la Ville de Luxembourg". Retrieved 22 December 2010.
  3. "Profile - Luxembourg City History Museum" Archived 2012-10-23 at the Wayback Machine., Saatchi Online. Retrieved 22 December 2010.
  4. "Architecture" Archived 2012-03-16 at the Wayback Machine., Musée d'histoire de la Ville de Luxembourg. Retrieved 23 December 2010.
  5. 5,0 5,1 "Sites d'exposition" Archived 2012-03-06 at the Wayback Machine., Manifesta 2. (Ֆրանսերեն) Retrieved 23 December 2010.
  6. "Musée d'histoire de la Ville de Luxembourg" Archived 2011-07-19 at the Wayback Machine., European Institute of Cultural Routes. Retrieved 22 December 2010.
  7. "Museums in Luxembourg" Archived 2010-11-24 at the Wayback Machine., Luxembourg Tourist Office, London. Retrieved 22 December 2010.

Արտաքին հղումներ[խմբագրել | խմբագրել կոդը]

  • Luxembourg City History Museum website