Լեռնամետալուրգիայի ինստիտուտ

Վիքիպեդիայից՝ ազատ հանրագիտարանից
Jump to navigation Jump to search
Լեռնամետալուրգիայի ինստիտուտ
ԵրՊԻ, ՀՊՃՇՀ, մասնաշենքեր) (24).JPG
Հիմնադրված1952
տնօտենՍահակ Արզումանյան
Կայքmmi.am

Լեռնամետալուրգիայի ինստիտուտ, փակ բաժնետիրական ընկերությունը լեռնամետալուրգիայի ոլորտի տարածաշրջանային նշանակության համալիր գիտահետազոտական և նախագծային ինստիտուտ է Երևանում։

Պատմություն[խմբագրել | խմբագրել կոդը]

Ինստիտուտը հիմնադրվել է 1952 թվականին, ԽՍՀՄ Գունավոր մետալուրգիայի նախարարության կողմից։ Եղել է Մոսկվայի «Գիպրոցվետմետ» նախագծային ինստիտուտի երևանյան մասնաճյուղը։ Շինարարության և նախագծային-հետազոտական աշխատանքների ծավալների ավելացմամբ պայմանավորված՝ երևանյան մասնաճյուղի հիման վրա 1957 թվականին կազմակերպվել է ինքնուրույն հաշվեկշռով առաջին կարգի նախագծային ինստիտուտ, որին վերապահվում են Հայաստանում կառուցվող՝ գունավոր մետալուրգիայի բնագավառի ձեռնարկությունների գլխավոր նախագծողի գործառույթները։

1957 թվականին Հայաստանում ստեղծվել է գիտահետազոտական լեռնամետալուրգիական ինստիտուտ (ԳՀԼՄԻ), որը գլխադասային ինստիտուտի իրավասություն ուներ՝ գիտական հիմնախնդիրների մշակման և մետալուրգիական և լեռնահանքային արդյունաբերական գործընթացների կատարելագործման նպատակով Հայաստանի գունավոր մետալուրգիայի ձեռնարկությունների համար գիտահետազոտական և փորձնական-շինարարական աշխատանքներ իրականացնելու։ Հետագայում ԳՀԼՄԻ-ն և Արմգիպրոցվետմետը միավորվել են։

1963 թվականին ինստիտուտն անցել է ԽՍՀՄ Պետմետալուրգկոմիտեի ենթակայության տակ։

1967 թվականին ինստիտուտի հիմնական երեք բաժիններն էին՝ լեռնային, հարստացման և մետալուրգիայի, որոնց ենթակայության տակ կային 8 մասնագիտացված հետազոտական լաբորատորիաներ։

Հիմնական բաժինների իրականացրած հետազոտությունների համընդգրկունությունն ու արդյունավետությունն ապահովելու համար ստեղծվել են երկրաբանության, տեխնիկատնտեսական և գիտատեխնիկական հետազոտությունների և արտոնագրային ծառայության բաժինները, կեղտաջրերի մաքրման և գազամաքրման ու փոշեզտման լաբորատորիաները։

Ինստիտուտի վերլուծական մասը ներկայացված էր կենտրոնական վերլուծական, հարգորոշման, սպեկտրալ վերլուծության, ռենտգենա-կառուցվածքային վերլուծության և միներոլոգիայի ու պետրոգրաֆիայի լաբորատորիաներով[1]։

Իր պատմության ողջ ընթացքում ինստիտուտի գործունեությունն անշեղորեն ընդլայնվել է, զուգահեռաբար աճել են կատարված աշխատանքների ծավալները։ Որոշակի անկում է արձանագրվել միայն 90-ականներին՝ Հայաստանում հանքարդյունաբերության ոլորտի ճգնաժամով պայմանավորված։

1994 թվականին ինստիտուտը գրանցվել է Հայաստանի Հանրապետության պետական ռեգիստրի կողմից՝ որպես «Հայաստանի Գունավոր Մետալուրգիայի գիտահետազոտական և նախագծային ինստիտուտ» («Հայգիտգունմետգիտնախագիծ») Պետական ձեռնարկություն, որը 02.02.1998 թվականին վերակազմավորվել է «Հայգիտգունմետգիտնախագիծ» պետական փակ բաժնետիրական ընկերության, իսկ 08.12.1999 թվականին անվանափոխվել է «Լեռնամետալուրգիայի ինստիտուտ» փակ բաժնետիրական ընկերության։

Լաբորատորիաներ[խմբագրել | խմբագրել կոդը]

  • Երկրաբանության լաբորատորիա
  • Հանքահարստացման և ազնիվ մետաղների լաբորատորիա
  • Լեռնային բաժին
  • Մետալուրգիայի լաբորատորիա
  • Շրջակա միջավայրի պահպանության բաժին
  • Կենտրոնական անալիտիկ և հարգորոշման լաբորատորիա

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]