Լենինի հրապարակ (Վոլժսկի)

ռուս.՝ Площадь Ленина
Լենինի հրապարակ
Երկիր	Ռուսաստան
Անվանվել է	Վլադիմիր Լենին

Անվան այլ կիրառումների համար տե՛ս՝ Լենինի հրապարակ (այլ կիրառումներ)

Լենինի հրապարակ (ռուս.՝ Площадь Ленина), Վոլգոգրադի մարզի Վոլժսկի քաղաքի կենտրոնական հրապարակն է։ Գտնվում է Լենինի պողոտայում, այն վայրում, որտեղից սկսվում է Էնգելսի փողոցը։ Հրապարակի կառուցումն ավարտվել է 1981 թվականին^[1]։ Լենինի հրապարակը սահմանակից է 36, 39, 42 թաղամասերին։ Այստեղ կազմակերպվում են քաղաքային տոներ, հանրային միջոցառումներ և համերգներ^[2]։

Լենինի հրապարակում են գտնվում՝

Լենինի հուշարձան (բացվել է 1984 թվականի հոկտեմբերի 21-ին, ստեղծել են մոսկվացի քանդակագործները)^[1]
«Հոկտեմբեր» մշակույթի տուն և քաղաքային ֆիլհարմոնիա
Վոլժսկիի առևտրա-արդյունաբերական պալատ
22 հարկանի «Ախտուբա» հյուրանոցը՝ քաղաքի ամենաբարձր շենքը^[1], «Волжанин» մարզասրահ^[3]
փոքր ռմբապաստարան հրապարակի տակ

Հրապարակից դեպի Ախտուբա գետի բարձր ափի ուղղությամբ ձգվում է շատրվանների բուլվարը, որի վերջում գտնվում է քաղաքի ամենախոշոր ուղղափառ եկեղեցին և քաղաքի պատկերասրահը, որը տեղակայված է Բեզռոդնոյ գյուղի նախկին դպրոցի շենքում, որի տեղում ձևավորվել է քաղաքը։