Իսիկ-Կուլ (օդանավակայան)
| IATA: none – ԻԿԱՕ: none | |||
|---|---|---|---|
| Ամփոփում | |||
| Օդակայանի տեսակ | {{{տեսակ}}} | ||
Իսիկ-Կուլ միջազգային օդանավակայան (ղրղզ.՝ Ысык-Көл эл аралык аэропорту. IATA. IKU ICAO. UCFL[1] (նախկինում՝ UAFR, UAFL )), օդանավակայան Ղրղզստանի Իսիկ-Կուլ մարզի Տամչի գյուղում։ Այն ունի միջազգային կարգավիճակ։ 2016 թվականին ստացել է IATA- IKU ծածկագիրը։ Որպես օտանավակայան գործել է 1975 թվականից։ Նախկինում եղել է Չոլպոն-Աթա օդանավակայանի (այժմ չգործող) պահեստային օդանավակայան։ Թռիչքուղին և տերմինալը կառուցվել են 2003 թվականին։ Այն աշխատում է շուրջօրյա, գտնվում է Չոլպոն-Աթա քաղաքից 35 կմ դեպի արևմուտք և Տամչի գյուղից 5 կմ դեպի արևելք։ Պատկանում է 4D դասին (ըստ ICAO դասակարգման)։ Գտնվում է 1653,8 մ բարձրության վրա։ Թռիչքուղու երկարությունը 3800 մ է, լայնությունը՝ 45 մ։ Ծածկույթի տեսակը՝ երկաթբետոն։ Այն ունի յոթ ինքնաթիռների կանգառ։ Վերակառուցվել է 2016 թվականին։ Տեղադրվել են նոր ժամանակակից լուսավորության սարքավորումներ, ILS վայրէջքի համակարգ, օդերևութաբանական սարքավորումներ, արդիականացվել է էլեկտրամատակարարման համակարգը, վերակառուցվել է կայարանը, անհամեմատ երկարացվել է թռիչքուղին։ Հաստատված է շուրջօրյա շահագործման համար 2016 թվականի օգոստոսի 29-ից։
Շահագործվող օդանավերի տեսակները
[խմբագրել | խմբագրել կոդը]Tu-154, Tu-204, Boeing 737, Boeing 757, Airbus A319, A320, A321, BAE 146-200, Embraer E170/E175:
Ավիաուղիներ և ուղղություններ
[խմբագրել | խմբագրել կոդը]| Ավիաընկերություն | Ուղղություն | Նշումներ |
|---|---|---|
| Աերոֆլոտ | Մոսկվա (Շերեմետևո), Սանկտ Պետերբուրգ (Պուլկովո), Կրասնոյարսկ (Եմելյանովո) | |
| Uzbekistan Airways | Տաշքենդ | |
| S7 Airlines | Նովոսիբիրսկ | |
| Qazaq Air | Ալմաթի | |
| Ural Airlines | Մոսկվա (Ժուկովսկի) |
Ծանոթագրություններ
[խմբագրել | խմբագրել կոդը]- ↑ «Коды городов всех стран мира». g-avia.ru. Արխիվացված է օրիգինալից 2018 թ․ նոյեմբերի 8-ին. Վերցված է 2018 թ․ նոյեմբերի 5-ին.