Ինտերակ վճարման եղանակ
Ինտերակ վճարման եղանակ (անգլ.՝ Interac e-Transfer, Interac Email Money Transfer) ֆինանսական միջոցների փոխանցման Կանադական ծառայություն անձնական և բիզնես հաշիվների միջև (կանադական մասնակից բանկերում և Interac Corporation-ի անդամ ֆինանսական հաստատություններում)։
Ստեղծման օրվանից մինչև 2018 թվականի սկիզբը ծառայությունը մատուցվել է Acxsys շահույթ հետապնդող կոնսորցիումի միջոցով, որը շահույթ չհետապնդող Interac ասոցիացիայի հիմնական գործընկերներից մեծամասնությանն է և լիցենզիա է ստացել օգտագործելու Interac ապրանքանիշը։ 2018 թվականի փետրվարին երկու կազմակերպությունների գործունեությունը միավորվել է մեկ շահույթ հետապնդող կազմակերպության մեջ՝ Interac անունով[1]։
Մասնակից հաստատություններ[խմբագրել | խմբագրել կոդը]
Կանադացիների մեծ մասը, ովքեր օգտվում են առցանց բանկինգից, կարող են միջոցներ ուղարկել, որոնք ներառում են հետևյալ խոշոր հինգ բանկերը (Bank of Montreal, Bank of Nova Scotia, Canadian Imperial Bank of Commerce և նրա թվային բանկային ստորաբաժանումը ՝Simplii Financial, Royal Bank of Canada և Toronto Dominion Bank Group), Desjardins, Tangerine, National Bank, HSBC Bank Canada, President's Choice Financial, EQ Bank և բազմաթիվ վարկային միություններ և այլ հաստատություններ[2], ինչպես նաև որոշ փոքր բիզնեսի հաշիվների սեփականատերեր[3]։ 2015 թվականին պլատֆորմի միջոցով ուղարկվել է 105 միլիոն դրամական փոխանցում՝ ավելի քան 44 միլիարդ դոլար ընդհանուր արժեքով[4]։
Կանադայում ցանկացած անձնական հաշվի սեփականատեր կարող է միջոցներ ստանալ։
Ինչպես է այն աշխատում[խմբագրել | խմբագրել կոդը]
Էլեկտրոնային փոխանցման այս եղանակը շատ առումներով նման է էլեկտրոնային չեկի։ Փողը իրականում էլեկտրոնային փոստով չի փոխանցվում։ Միջոցները ստանալու հրահանգներն են։
- Ուղարկողը բացում է առցանց բանկային սեսիա և ընտրում ստացողին, գումարի չափը, ինչպես նաև անվտանգության համար նախապես ընտրվախ հարց ու պատասխանը։ Միջոցները դեբետագրվում են անմիջապես, սովորաբար հավելավճարի դիմաց։ Եթե ստացողը չի կարող ենթադրել, որ գիտի անվտանգության հարցի պատասխանը, ուղարկողը պետք է այն առանձին հաղորդի։
- Այնուհետև ստացողին ուղարկվում է էլեկտրոնային փոստ կամ տեքստային հաղորդագրություն՝ ցուցումներով, թե ինչպես վերականգնել միջոցները և պատասխանել հարցին՝ ապահով կայքի միջոցով։
- Ստացողը պետք է ճիշտ պատասխանի անվտանգության հարցին (Եթե երեք փորձերից հետո ստացողը չի կարողանում ճիշտ պատասխանել հարցին, ապա միջոցները ավտոմատ կվերադարձվեն ուղարկողին)[5]։
- Եթե ստացողը բաժանորդագրված է առցանց բանկինգին մասնակցող հաստատություններից մեկում, միջոցները պահվում են անմիջապես՝ առանց հավելավճարի։
- Եթե ստացողի ավանդային հաշիվը մասնակցող հաստատություններից մեկում չէ կամ ընդհանրապես բաժանորդագրված չէ առցանց բանկային ծառայությանը, միջոցները մուտքագրվում են երեքից հինգ աշխատանքային օրվա ընթացքում, և ստացված գումարից հանվում է հավելավճար (ներկայումս $4,00):
- Autodeposit ֆունկցիան ուղարկողներին թույլ է տալիս գումար ուղարկել ` առանց ստացողի կողմից անվտանգության հարցի պատասխանելու։ Ստացողը պետք է միացնի այս հատկությունը իր հաշվի կարգավորումներում։ Ոչ բոլոր բանկերն են առաջարկում այս հնարավորությունը։
- Երբ որոշակի ժամանակահատվածից հետո էլեկտրոնային փոխանցումը չի ընդունվել, փոխանցումը չի իրականացվում։ Փոխանցման տևողությունը կախված է բանկից և/կամ անձանց կարգավորումներից։ Որոշ էլեկտրոնային փոխանցումներ կարող են ավտոմատ չեղարկվել 24 ժամից կամ մինչև 30 օր ժամկետով՝ կախված բանկից/օգտագործողից։ Այնպիսի բանկերը, ինչպիսիք են Toronto Dominion Bank Group-ը և Royal Bank of Canada-ն, ունեն սահմանված 30 օրվա սահմանաչափ, մինչև էլեկտրոնային փոխանցումը չեղարկվի, մինչդեռ մյուս բանկերն ունեն ավելի կարճ տևողություններ և սահմանաչափեր։
Առավելությունները և թերությունները[խմբագրել | խմբագրել կոդը]
Ի տարբերություն չեկի, էլեկտրոնային փոխանցումից ստացված միջոցները չեն սառեցվում ստացողի հաշվում։ Եթե և՛ ուղարկող, և՛ ստացող բանկը մասնակից հաստատություններ են, միջոցներն ուղարկվում և ստացվում են ակնթարթորեն։ Այնուամենայնիվ, որոշ դեպքերում, օրինակ՝ տարբեր բանկային հաստատություններից երկու հոգի, փոխանցումները կարող են տևել մոտ ակնթարթորեն կամ մինչև մի քանի ժամ, կախված, թե ստացող կողմը երբ կստանա իր էլեկտրոնային փոստով ծանուցումը։
Այնուամենայնիվ, ինչպես ցանկացած առցանց բանկային վճարման եղանակ, էլեկտրոնային փոխանցումները խոցելի են (օրինակ, ֆիշինգներից)։
Այն տարածքներում, որտեղ Մեծ հնգյակի բանկերը քիչ ներկայություն ունեն կամ ովքեր առցանց բանկային գործունեություն չեն ծավալում, կանադացիները վճարում են հավելավճարով՝ էլեկտրոնային փոխանցումներ ստանալիս[6]։
Անվտանգության և գաղտնիության խնդիրները[խմբագրել | խմբագրել կոդը]
2019 թվականին Էրիկա Ջոնսոնը հրապարակել է մի քանի հոդվածներ (CBC News),որտեղ հայտնի էր դառնում, որ էլեկտրոնային փոխանցումները գաղտնալսվել և/կամ վերահղվել են այլ տեղեր տարբեր միջոցներով։ Հաճախորդները շատ դեպքերում չեն փոխհատուցվել[7][8][9]։ Նույն տարում arxiv.org կայքում հրապարակված հոդվածում ներկայացվել է Ինտերակ տարբերակով փոխանցման եղանակի անվտանգությունն ու գաղտնիությունը և եկավ այն եզրակացության, որ «Ստանդարտ էլեկտրոնային փոխանցումները պոտենցիալ անապահով են վերահղումներից», և որ «պլատֆորմը չի կարողանում պաշտպանել իր հաճախորդների գաղտնիություն՝ հենվելով այնպիսի տեխնոլոգիաների վրա, ինչպիսիք են էլեկտրոնային փոստը և SMS-ը»[10][11]։
Ծանոթագրություններ[խմբագրել | խմբագրել կոդը]
- ↑ Bradshaw, James (2018 թ․ փետրվարի 5). «Major revamp gives Interac a chance to compete against rivals». The Globe and Mail. Վերցված է 2018 թ․ փետրվարի 25-ին.
- ↑ Interac e-Transfer participants
- ↑ «Interac e-Transfer Frequently Asked Questions». Interac website. Acxsys Corporation. Վերցված է 2013 թ․ հուլիսի 30-ին. «Some participating financial institutions offer the Interac e-Transfer service to their small business online banking customers. Please check with your financial institution to find out more.»
- ↑ Vomiero, Jessica (2016 թ․ սեպտեմբերի 22). «13.5 million Interac e-Transfer transactions completed in August 2016 | MobileSyrup.com». MobileSyrup. Վերցված է 2016 թ․ հոկտեմբերի 8-ին.
- ↑ «Interac e-Transfer – Frequently asked questions». Banking with us » Services and fees. Manulife Bank of Canada. Վերցված է 2013 թ․ հուլիսի 14-ին. «The Recipient can attempt to correctly answer the Security Question three times. If the Recipient is unsuccessful after the third attempt, the Interac e-Transfer will be declined an returned to the Sender. Therefore, it is important that you check the spelling and format (e.g., when using dates) of your response and contact the Recipient by phone or in person to inform them of the correct answer.»
- ↑ Interac
- ↑ Johnson, Erica (2019 թ․ մայիսի 12). «RBC customer out of pocket after fraud: What you need to know if you e-transfer money». CBC News.
- ↑ Johnson, Erica (2019 թ․ սեպտեմբերի 22). «Banks tell dozens of customers they're to blame for thousands of dollars lost to e-transfer fraudsters». CBC News.
- ↑ Johnson, Erica (2019 թ․ սեպտեմբերի 29). «Toronto-area man out $2,775 after e-transfer fraudsters impersonate him on email». CBC News.
- ↑ Willems, Fabian; Raahemi, Mohammad; Buddhitha, Prasadith; Adams, Carlisle; Tran, Thomas (2019 թ․ հոկտեմբերի 3). «On the security and privacy of Interac e-Transfers». arXiv:1910.01587 [cs.CR].
- ↑ Willems, Fabian; Raahemi, Mohammad; Buddhitha, Prasadith; Adams, Carlisle; Tran, Thomas (2019 թ․ դեկտեմբերի 11). «On the security and privacy of Interac e-Transfers». arXiv:1910.01587 [cs.CR].