Իմպուլսային տեխնիկա

Իմպուլսային տեխնիկա տեխնիկայի բնագավառ, որը հետազոտում, մշակում և կիրառում Է Էլեկտրական իմպուլսների առաջացման, ձևափոխման և չափման մեթոդներն ու տեխնիկական միջոցները։ Իմպուլսային տեխնիկան հետազոտում և վերլուծում են նաև այն պրոցեսները, որոնք առաջանում են տարբեր Էլեկտրական շղթաների, սարքավորումների և օբյեկտների վրա՝ Էլեկտրական իմպուլսների ազդեցությամբ։ Հոսանքի և լարման Էլեկտրական իմպուլսները լայնորեն օգտագործվում են գիտության և տեխնիկայի տարբեր բնագավառներում։ Դրանք առավել մեծ կիրառություն ունեն Էլեկտրոնիկայում՝ Էլեկտրոնային սարքերի աշխատանքի իմպուլսային ռեժիմի դեպքում։ Այստեղ կիրառվում են ինչպես առանձին իմպուլսներ, այնպես Էլ իմպուլսների հաջորդականություն, որոնք կրում են ինֆորմացիա կաւք Էլեկտրոնային սարքերի աշխատանքի կառավարման դեր կատարում։ Իմ- պուլսային ռեժիմի դեպքում Էլեկտրոնային սարքերը ենթարկվում են Էլեկտրական ազդանշանների ընդհատ ազդեցության։ Իմպուլսային ազդանշանների ընդհատ կառուցվածքը կազմում Է իմպուլսային ռեժիմով աշխատող սարքի օգտակար հատկությունների սկզբունքային հիմքը։ Իմպուլսային ազդանշանները տարբերվում են ըստ իմպուլսի ամպլիտուդի և տեվողությււն, միմյանց հաջորդելու հաճախության, ինչպես նաև ըստ հաջորդականության մեջ Փոխդասավորության։ Իմպուլսային ռեժիմով աշխատանքի ժամանակ կարող Է կատարվել Էներգիայի մեծ կուտակում։ Օրինակ, հզոր իմպուլսային մոդուլյատորներում միջիմպյււլսային ժամանակահատվածում տեղի Է ունենում Էներգիայի հարաբերական դանդաղ կուտակում, այնուհետև կուտակված Էներգիան անջատվում Է կուտակման համեմատ բավականաչափ փոքր ժամանակահատվածում։ Այսպիսով հաջողվում Է ստանալ Էլեկտրական իմպուլսներ, որոնց հզորությունը զգալիորեն գերազանցում Է սնման աղբյուրի, նոմինալ հզորությունը, որ Էական նշանակություն ունի ռադիո էլ եկարոնային ապարատներ նախագծելիս։ էլեկտրական իմպուլսների ամպլիտուդների կտրուկ փոփոխությունների շնորհիվ հնարավոր է իմպուլսային ազդանշանների ներգործության ժամանակի բավականաչափ ճշգրիտ սևեռումը։ Անկոնտակտ էլեկտրոնային բանալիների դեր կատարող իմպուլսային էլեկտրոնային սարքերը ունակ են էլեկտրական շղթաները փոխարկել 10⁻⁶ և նույնիսկ 10⁻⁹ վրկ։ «Իմպուլս» հասկացության հետ սովորաբար կապվում է նրա փոքր տևողության մասին պատկերացումը։ Սակայն իմպուլսի կարճատևությունը հարաբերական հասկացություն է. ավտոմատիկայում, օրինակ, գործ են ունենում 0,01 - 1 վրկ կարգի, իմպուլսային ռադիոկապում՝ 10⁻⁶ վրկ կարգի, արագ մասնիկների ֆիզիկայում՝ 10⁻⁹ վրկ կարգի տևողությամբ իմպուլսների հետ։ Իմպուլսաին տեխնիկայում զգացվում է իմպուլսների տեոդության փոքրացման և միմյանց հաջորդելու հաճախականության մեծացման միտում, որը պայմանավորված է էլեկտրոնային սարքավորումների լուծունակության (օրինակ, ռադիոլոկատորի) կամ արագագործության (էլեկտրոնային հաշվողական մեքենայի) բարձրացման ձգտումով։ Երբեմն ավելի կարևոր է միջիմպուլսային տևողության և իմպուլսի տևողության հարաբերությունը, որը թվանշանային ավտոմատիկայում սովորաբար 10-ից չի անցնում, ռադիոկապում՝ 10-100 է, ռադիոլոկացիայում՝ տատանվում է 100-ից մինչև 10 000։ Իմպուլսային տեխնիկայում էներգիա կուտակելու հատկություն ունեցող շղթայի վրա էլեկտրական հոսանքի կամ լարման իմպուլսով ազդելու դեպքում առաջանում են անցումային պրոցեսներ, որոնք բավական մեծ նշանակություն ունեն։ Անցումային պրոցեսների հետ կապված երևույթ ները հաճախ են օգտագործվում իմպուլսային սարքավորումների աշխատանքում, սակայն որոշ դեպքերում դրանք վնասակար են և բարդացնում են սարքերի սխեման ու կառուցվածքը։ Տարբեր ձևի իմպուլսներ ստանալու, իմպուլսային ազդանշանների ֆունկցիոնալ ձևափոխության, իմպուլսներն ըստ այս կամ այն հայտանիշի ընտրելու կամ ղրանց նկատմամբ տրամաբանական գործողություններ կատարելու համար օգտագործում էն տիպային իմպուլսային տրամաբանական սխեմաներ և սարքավորումներ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 331)։