Իմանուիլ Կանտի հուշարձան (Կալինինգրադ)

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Իմանուիլ Կանտի հուշարձան
Kant Kaliningrad.jpg
Իմանուիլ Կանտի հուշարձանը
Կոորդինատներ54°42′50″ հս․ լ. 20°30′37″ ավ. ե. / 54.71389° հս․. լ. 20.51028° ավ. ե. / 54.71389; 20.51028Կոորդինատներ: 54°42′50″ հս․ լ. 20°30′37″ ավ. ե. / 54.71389° հս․. լ. 20.51028° ավ. ե. / 54.71389; 20.51028
Գտնվում էՌուսաստան Ռուսաստան
Կալինինգրադ
Կառուցվել է1857, 1992
Շինության ձևըՔանդակ
Կառուցել էՔրիստիան Դանիել Ռաուխ
Ներկա վիճակըԿանգուն

Իմանուիլ Կանտի հուշարձան (ռուս.՝ Памятник Канту), գերմանացի փիլիսոփա Իմանուիլ Կանտի հուշարձանը, որը տեղադրված է նրա հայրենիքում՝ Քյոնիգսբերգում (ներկայիս Կալինինգրադում, Ռուսաստան

Բնօրինակ հուշարձան[խմբագրել | խմբագրել կոդը]

Կանտի բրոնզե քանդակը ստեղծվել է Բեռլինում քանդակագործ Քրիստիան Դանիել Ռաուխի նախագծով 1857 թվականին[1], սակայն հուշարձանի բացումը Քյոնիգսբերգում ֆինանսական դժվարությունների պատճառով տեղի է ունեցել ոչ անմիջապես, քանզի պարզվել է, որ տեղադրելու համար քաղաքի բնակիչների հավաքած գումարը բավարար չէ։ Չհերիքող գումարը հաջողվել է հավաքել շնորհիվ «Քյոնիգսբերգը և ժամանակակից քաղաքաշինությունը» (գերմ.՝ Königsberg und der moderne Stadtbau) գրքի հեղինակ Կառլ Ռոզենկրանցի (գերմ.՝ Karl Rosenkranz)։ Այդ գրքի հոնորարը նա նվիրաբերել է արձանի տեղադրման համար։

1864 թվականին հուշարձանը տեղադրվել է Պրինցեսինենշտրասե փողոցում[1] (գերմ.՝ Prinzessinnenstraße, այն այժմ գոյություն չունի, գտնվել է ներկայիս Լենինի պողոտայի շրջանում՝ «Կալինինգրադ» հյուրանոցի հարևանությամբ)։ Հուշարձանի բացումը տեղի է ունեցել փիլիսոփայի մահվան 60-րդ տարելիցի օրը[2]։ 1884 թվականին հուշարձանը տեղափոխվել է Պարադեպլատց (գերմ.՝ Paradeplatz, այժմ՝ պուրակ Բալթյան դաշնային համալսարանի շենքի առջև)՝ Քյոնիգսբերգի համալսարանի շենքի առջև։

Հուշարձանը անհետ կորել է Երկրորդ համաշխարհային պատերազմի ժամանակ[1]։ Սակայն նրա պատվանդանը պահպանվել է, և պատերազմից հետո այն օգտագործվել է Էռնստ Թելմանի հուշարձանի համար՝ Թելմանի փողոցում[2]։

Հուշարձանի վերակերտում[խմբագրել | խմբագրել կոդը]

Հուշարձանը վերակերտվել է 1992 թվականին։ Այդ գործում կարևոր դեր է խաղացել գերմանացի լրագրող, Արևելյան Պրուսիայում ծնված կոմսուհի Մարիոն Դենգոֆի նախաձեռնությունը[1]։ Ըստ պահպանված մոդելի քանդակագործ Հարալդ Հաակեի[1][2] (գերմ.՝ Harald Haacke) կողմից վերակերտված հուշարձանը բացվել է 1992 թվականի հունիսի 27-ին՝ համալսարանի շենքի առջևի պուրակում, այսինքն՝ մոտ այն վայրին, որտեղ 1884 թվականից կանգնած էր հուշարձանի բնօրինակը։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Գրականություն[խմբագրել | խմբագրել կոդը]

  • Коллектив авторов Глава 4. Искусство и культура // Кёнигсберг - Калининград: иллюстрированный энциклопедический справочник / Под общей редакцией А. С. Пржездомского. — Калининград: Янтарный сказ, 2005. — С. 165-166, 179. — 800 с. — ISBN 5-7406-0840-5

Հղումներ[խմբագրել | խմբագրել կոդը]