Ֆուտբոլ խաղալ սկսել է Վիտեբսկում[2] 8 տարեկանում, իսկ 14 տարեկանում տեղափոխվել է Մինսկի «Դինամո» ակումբ, որի կազմում անցկացրել է մեկ խաղ Բելառուսի գավաթի խաղարկությունում[2][3]։ 2007 թվականին Անտոն Ամելչենկոյի և Յուրի Ժևնովի հետ միասին, ովքեր եկել էին այդ ակումբ մի քիչ ավելի վաղ, տեղափոխվել են Ռուսաստանի Պրեմիեր լիգայի «Մոսկվա» ակումբ[4]։ Սակայն չկարողանալով ընդգրկվել առաջին թիմում և մասնակցելով երիտասարդական թիմերի առաջնությանը՝ նա հասկանում է, որ ուզում է խաղալ ավելի բարձր մակարդակում և ղեկավարությանը խնդրում է իրեն վարձավճարով ուղարկել այլ ակումբ[2]։ 2008 թվականին Իլյա Գավրիլովը վարձավճարով խաղում է բելառուսական ակումբներում՝ Մոգիլյովի «Դնեպրում» և Ժոդինոյի «Տորպեդոյում»[5]։ «Դնեպրի» կազմում Իլյան անցկացրել է միայն մեկ խաղ Բելառուսի Պրեմիեր լիգայում[6]։ Ժոդինոյի «Տորպեդոյի» կազմում իր նորամուտը կատարել է 2008 թվականի օգոստոսի 10-ին Մոգիլյովի «Սավիտի» դեմ խաղում՝ խաղադաշտ դուրս գալով թիմի մեկնարկային կազմում և մասնակցելով ողջ խաղին[7]։ Վարձավճարային պայմանագրի ավարտից հետո Գավրիլովը վերադարձել է «Մոսկվա» ֆուտբոլային ակումբ։ 2010 թվականի մարտին նա երկամյա պայմանագիր է կնքել Աստրախանի «Վոլգար-Գազպրոմի» հետ[8], որը հանդես էր գալիս Առաջին դիվիզիոնում։ Թիմի կազմում նա անցկացրել է ընդամենը երկու խաղ, հունիսին պայմանագիրը խզվել է երկու կողմերի համաձայնությամբ[9]։ Գավրիլովը վերադարձել է Բելառուս՝ կրկին միանալով Ժոդինոյի «Տորպեդոյին» և կնքելով վեցամսյա աշխատանքային համաձայնագիր։ Պայմանագրի ժամկետն ավարտվելուց հետո Իլյան դիտումների է մասնակցել Կուրսկի «Ավանգարդ» ակումբում[10], որի հետ կնքել է պայմանագիր 2011 թվականի փետրվարի 13-ին[11]։ Կուրսկի ակումբում իր նորամուտը նշել է մայիսի 2-ին՝ մասնակցելով Ռուսաստանի առաջնության շրջանակներում Սարատովի «Սոկոլ» ակումբի դեմ խաղին[12]։ 2011/12 մրցաշրջանի ավարտից հետո Գավրիլովը հեռացել է «Ավանգարդից»։ 2012 թվականի հուլիսի 13-ին հայտարարվել է, որ Իլյան մեկամյա պայմանագիր է կնքել մերձմոսկովյան «Խիմկի» ակումբի հետ[13]։ 2013 թվականի հունիսի սկզբին նա տեղափոխվել է Վոլգոգրադի «Ռոտոր»[14]։
2008 թվականի նոյեմբերի սկզբին Բելառուսի երիտասարդական հավաքականի նորանշանակ գլխավոր մարզիչ Գեորգի Կոնդրատևը Գավրիլովին կանչել է մասնակցելու թիմի հավաքներին Կիպրոսի դեմ ընկերական խաղից առաջ[15]։ 2009 թվականի փետրվարի 11-ին Գավրիլովը Բելեկում անցկացրել է իր առաջին հանդիպումը Ռուսաստանի երիտասարդական հավաքականի կազմում, որն ավարտվել է 3:1 հաշվով հոգուտ Բելառուսի[16]։ Բելառուսի երիտասարդական հավաքականի կազմում Գավրիլովն անցկացրել է ընդհանուր առմամբ երեք հանդիպում և բաց թողել երեք գնդակ[17]։
Բելառուս
Վոլգար
