Իզաբելլա Մառեցի
| Իզաբելլա Մառեցի | |
|---|---|
 | |
| Ծնվել է | մոտ 1277 |
| Մահացել է | դեկտեմբերի 12, 1296 |
| Գերեզման | Paisley Abbey |
| Ամուսին | մոտ Ռոբերտ I |
| Ծնողներ | հայր՝ Domhnall I, Earl of Mar?, մայր՝ Helen ferch Daffyd?[1] |
| Երեխաներ | Մարջորի Բրյուս |
 Isabella of Mar Վիքիպահեստում | |
Իզաբելլա Մառեցի (գործունեության տարիները՝ մոտ 1277 - դեկտեմբերի 12, 1296), Քարրիքի կոմս Ռոբերտ Բրյուս VII-ի առաջին կինը։ Իզաբելլան մահացել է նախքան իր ամուսնու՝ որպես Շոտլանդիայի թագավոր Ռոբերտ I թագադրվելը։ Նա և իր ամուսինը եղել են Շոտլանդիայի թագավոր Ռոբերտ II-ի տատն ու պապը։
Իզաբելլան եղել է Մառի կոմս Դոմնոլ I-ի (մահ․ 1297×1302) և Լիվելին Մեծի (մահ․ 1282) դուստր Էլենայի աղջիկը։ Իզաբելլայի հայրը Անանդեյլի կոմս Ռոբերտ Բրյուս V-ի (մահ․ 1295) համախոհն էր, մի մարդու, որը նկրտումներ ուներ Շոտլանդիայի գահի նկատմամբ։ Դոմնոլների ու Բրյուսների ընտանիքների միջև մտերիմ հարաբերությունների մասին վկայում են երկու ամուսնությունները։ Առաջին ամուսնությունը Իզաբելլայի ու Ռոբերտ Բրյուս V-ի թոռ, Քարրիքի կոմս Ռոբերտ Բրյուս VII-ի (մահ․ 1329) միջև էր, երկրորդը՝ Դոմնոլի որդու և հաջորդի՝ Գերթնայթի (մահ․ մոտ.1302) ու Ռոբերտ Բրյուս VII-ի քրոջ միջև[2]։
Ռոբերտ Բրյուս VII-ի ու Իզաբելլայի ամուսնությունը հավանաբար տեղի է ունեցել 1290-ական թվականներին[3]։ Այս միությունից ծնվել է միայն մեկ երեխա՝ Մարջորի անունով դուստրը (մահ․ 1316)[4] մոտավորապես 1296 թվականին[5]։
Իզաբելլայի մահից վեց տարի անց Ռոբերտ Բրյուս VII-ն ամուսնացել է իր երկրորդ կնոջ՝ Էլիզաբեթ դե Բուրգի հետ (մահ․ 1327)[4]։ Ռոբերտի ու Իզաբելլայի դուստր Մարջորին ամուսնացել է Շոտլանդիայի կառավարիչ Վալտեր Ստյուարտի հետ[5], և նրանց որդին ի վերջո իշխել է Շոտլանդիայում որպես թագավոր Ռոբերտ II (մահ. 1390).[6]
Ծանոթագրություններ[խմբագրել | խմբագրել կոդը]
Աղբյուրներ[խմբագրել | խմբագրել կոդը]
- Barrow GWS (2004)։ «Stewart family (per. c.1110–c.1350)»։ Oxford Dictionary of National Biography։ Oxford University Press։ doi:10.1093/ref:odnb/49411։ Վերցված է հուլիսի 5, 2011։ (subscription required (help))
- Barrow GWS (2008)։ «Robert I (1274–1329)»։ Oxford Dictionary of National Biography (October 2008 ed.)։ Oxford University Press։ doi:10.1093/ref:odnb/3754։ Վերցված է հունվարի 20, 2014։ (subscription required (help))
- Paton H, Reid NH (2004)։ «Donald, Sixth Earl of Mar (d. in or after 1297)»։ Oxford Dictionary of National Biography։ Oxford University Press։ doi:10.1093/ref:odnb/18020։ Վերցված է դեկտեմբերի 2, 2015։ (subscription required (help))