Գտնվում է 1000 մ բարձրության վրա։ Երկարությունը մոտ 12 կմ է, առավելագույն լայնությունը՝ մոտ 1 կմ, մակերեսը՝ 8,0 կմ², խորությունը՝ մինչև 100 մ։ Առաջացել է Թորթում գետի հունը երկրաշարժի փլվածքներով արգելափակվելու հետևանքով (1791)։ Լճակը սեղմված է արևելքից՝ Թեյուն, արևմուտքից՝ Մագնուտ կամ Վանուց անտառապատ, գեղատեսիլ լեռների մեջ։ Հյուսիսում լճակից արտահոսող ջուրը ջրվեժով թափվում է գետը՝ առաջացնելով հոյակապ տեսարան։ Թորթումի ջրվեժի անկման բարձրությունը 70 մ է, լայնությունը՝ 48 մ։ Ջրի առաջացրած դղրդյունը լսելի է մոտ 20 կմ հեռավորությունից։ Թորթումի լիճը հարուստ է ձկան մի քանի տեսակներով։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 206)։
Անվան այլ կիրառումների համար տե՛ս՝ Թորթում (այլ կիրառումներ)
Թուրքիա[1]
