Քաղաքը գտնվում է վիլայեթի հյուսիսային մասում՝ Սահարայի հյուսիս-արևմուտքում գտնվող օազիսներից մեկի տարածքում՝ Ալժիրի մայրաքաղաքից մոտ 862 կմ դեպի հարավ-արևմուտք (SSW)։ Ծովի մակարդակից ունի 279 մետր բացարձակ բարձրություն[2]։
Թիմիմուն համայնքը սահմանակից է Թիներկուկ, Աուգրուտ, Ուլեդ Այսա, Ուլեդ Սաիդ և Հասսի էլ Գարա (Գարդայա վիլայեթ) համայնքներին։ Տարածքը կազմում է 9936 կմ²։
Քաղաքի կլիման բնութագրվում է որպես անապատային կլիմա (Կյոպպենի կլիմաների դասակարգում)։ Տարվա ընթացքում տեղումները գրեթե բացակայում են (միջին տարեկան քանակը՝ 17 մմ)։ Միջին տարեկան ջերմաստիճանը 24,2 °C է։ Ամենացուրտ ամսվա (հունվար) միջին ջերմաստիճանը 11,8 °C է, իսկ ամենաշոգ ամսվանը՝ (հուլիս) 36,6 °C[3]:
2008 թվականի պաշտոնական մարդահամարի տվյալներով՝ համայնքի բնակչության թվաքանակը կազմել է 33 060 մարդ։ Տղամարդկանց բնակչության մասնաբաժինը կազմել է 50,01 %, իսկ կանանցը՝ համապատասխանաբար 49,99 %[4]։ Բնակչության գրագիտության մակարդակը կազմել է 79,6 %։ Տղամարդկանց շրջանում գրագիտության մակարդակը կազմել է 87,5 %, իսկ կանանց շրջանում՝ 71,8 %[5]։ Թիմիմունի բնակիչների 7 %-ը բարձրագույն կրթություն է ունեցել, իսկ 19,3 %-ը՝ միջնակարգ կրթություն[6]։