Թանգարանային կրթության կենտրոն
Թանգարանային կրթության կենտրոն
Պատմություն[խմբագրել | խմբագրել կոդը]
2014 թ․ հոկտեմբերի 2-ին ԴԻ-ՎԻ-ՎԻ Ինթերնեյշնալ (Գերմանիայի ժողովրդական բարձրագույն դպրոցների միության միջազգային համագործակցության ինստիտուտ), Թանգարանների աշխատողների և բարեկամների ասոցիացիայի և Արամ Խաչատրյանի տուն-թանգարանի միջև կնքվել է հուշագիր՝ թանգարանների կրթական ծրագրերի զարգացման կենտրոն հիմնելու մասին։ Թանգարանային կրթության կենտրոնի հանդիսավոր բացման արարողությունը տեղի է ունեցել 2014 թ․դեկտեմբերի 5-ին Երևանում։ Կենտրոնի նպատակներն են՝
- նպաստել Հայաստանի թանգարաններում կրթական ծրագրերի մշակմանն ու ներդրմանն ու այլընտրանքային կրթության զարգացմանը,
- արտերկրյա և տեղի փորձագետների ներգրավմամբ կազմակերպել վարժանքներ, սեմինարներ և գիտաժողովներ՝ թանգարանների աշխատողների կրթական ծրագրեր իրականացնելու կարողությունները զարգացնելու նպատակով,
- թանգարաններին տրամադրել մասնագիտական խորհրդատվություն և մշակել թանգարանային կրթության տարբեր խնդիրների նվիրված մեթոդական ձեռնարկներ,
- նպաստել աշխարհի (մասնավորապես եվրոպական) թանգարանների լավագույն կրթական ծրագրերի և մեթոդների ձեռքբերմանը և դրանց տեղայնացմանը թանգարաններում
Թանգարանային կրթության կենտրոնի գործունեության առանցքում կարևոր են վարպետաց դասերի, կրթական ծրագրերի շնորհանդեսների, մասնագիտական քննարկումների և դասախոսությունների կազմակերպումը թանգարանների աշխատողների, հանրակրթական դպրոցների ուսուցիչների, ինչպես նաև պետական և մասնավոր հատվածի շահագրգիռ ներկայացուցիչների շրջանում[1]։