Թագավորանիստ

Վիքիպեդիայից՝ ազատ հանրագիտարանից
Jump to navigation Jump to search

Թագավորանիստ, բլուր Լոռու մարզում, Փամբակ և Տանձուտ գետերի միախառնման վայրի մոտ, Վանաձոր քաղաքից 1,5 կմ հյուսիս-արևելք։ Բարձրությունը 1519 մ է[1]։

Բրոնզեդարյան հնավայր Վանաձոր քաղաքի «Դիմաց» կոչվող բարձրադիր թաղամասում։ Ոչ ծավալուն պեղումներ են կատարել Ե. Բայբուրդյանը (1938 թ) , Ե. Մոմջյանը (1949 թ), Է. Խանզադյանը (1959 թ)։ Բացվել է բնական բլրի վրա կառուցված բնակատեղի, իսկ նրանից հարավ-արևելք. ընդարձակ դամբարանադաշտ։ Գտնվել են բրոնզե զենքեր (դաշույններ, նիզակի ծայրեր, նետասլաքներ), զարդեր (ապարանջաններ, ագատից, սարդիոնից, մածուկից ուլունքներ), վանակատից ու ոսկրից պատրաստված գործիքներ, սև կամ դեղնակարմրաերանգ, կոպիտ, անփայլ և փայլեցված, մեծ մասամբ երկրաչափական նախշերով զարդարված կավե ամաններ (կճուճներ, քրեղաններ, լայնաբերան ամաններ են)։ Հնավայրը դեռևս լավ ուսումնասիրված չէ։ Թագավորանիստից գտնված նյութերը պահվում են Կիրովականի երկրագիտական, մասամբ նաև՝Հայաստանի պատմության պետական թանգարաններում։

Գրականություն[խմբագրել | խմբագրել կոդը]

  • Խանզադյան Է. Հայկական լեռնաշխարհի մշակույթը մ թ ա 3–րդ հազարամյակում, Ե , 1967 թ. էջ 20-21

Ծանոթագրություններ[խմբագրել | խմբագրել կոդը]

  1. Հայաստանի Հանրապետության Ֆիզիկաաշխարհագրական օբյեկտների համառոտ տեղեկատու-բառարան, Երևան, «Գեոդեզիայի և քարտեզագրության կենտրոն ՊՈԱԿ», 2007, էջ 45 — 150 էջ։