Էսկիմոսական համբույր

Վիքիպեդիայից՝ ազատ հանրագիտարանից
Jump to navigation Jump to search
Էսկիմոսական համբույր
Կունիկ

Էսկիմոսական համբույր, ժամանակակից արևմտյան մշակույթի մեջ գործողություն, որը նման է էսկիմոսյան ավանդական կունիկի ողջույնին[1]։ Կունիկը ջերմության արտահայտության ձև է՝ սովորաբար մեկ ընտանիքի անդամների կամ սիրահարների միջև։ Մասնակիցներից մեկը քիթը և վերին շրթունքը հպում է երկրորդի մաշկին (սովորաբար ճակատին կամ թշերին) և շնչում է օդը՝ քաշելով նրա մաշկն ու մազերը[2]։

Պատմություն[խմբագրել | խմբագրել կոդը]

Կա կարծիք, որ այս ավանդույթն էսկիմոսների մոտ առաջացել է այն պատճառով, որ նրանց շուրթերը սովորական համբույրի ժամանակ սաստիկ ցրտի պատճառով սառչում են։ Իրականում այս գործողությունը չունի էրոտիկ իմաստ, այլ բարեկամական ողջույնի ձև է մտերիմ մարդկանց մոտ, որոնց հանդիպման ժամանակ բաց է լինում միայն քիթն ու աչքերը։

Երբ առաջին արկտիկական հետազոտողներն առաջին անգամ տեսան այս գործողությունը, այն կոչեցին «էսկիմոսյան համբույր»։

Արտահայտում[խմբագրել | խմբագրել կոդը]

Էսկիմոսյան համբույրի առաջին պատկերավորումներից մեկը Ռոբերտ Ֆլաերթի «Նանուկը հյուսիսից» ֆիլմն է, որը համարվում է առաջին վավերագրական և էթնոգրաֆիկ ֆիլմը։ Հավանաբար այս ֆիլմի միջոցով էսկիմոսյան համբույրը հայտնի դարձավ ոչէսկիմոսներին։

Նմանատիպ ողջույներ կան նաև այլ ժողովուրդների մոտ։ Ուշագրավ է «հոնգի» ողջույնը, որն օգտագործվում է Նոր Զելանդիայի մաորի ցեղի մոտ։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Elder Jeff (2005-02-16)։ «An 'Eskimo kiss' is a kunik, and maybe not what you think»։ South Coast Today։ Վերցված է 2008-01-09 
  2. «Eskimo Kisses, Arm Hair, Moon Flags & Spike Lee vs. Stan Lee vs. Bruce Lee»։ Esquire Magazine։ 2007-05-09։ Վերցված է 2008-01-09