Էմիլիո Պալմա
Էմիլիո Պալմա Emilio Marcos Palma (es) | |
---|---|
Ծնվել է | հունվարի 7, 1978 (46 տարեկան) |
Ծննդավայր | Էսպերնասա կայան, Անտարկտիդա |
Քաղաքացիություն | Արգենտինա |
Մասնագիտություն | համակարգային վերլուծաբան և համակարգչային գիտնական |
Ծնողներ | Խորխե Պալմա (հայր) Մարիա Սիլվիա դե Պալմա (մայր) |
Էմիլիո Մարկոս Պալմա (իսպ.՝ Emilio Marcos Palma, հունվարի 7, 1978, Էսպերնասա կայան, Անտարկտիկայի համաձայնագրի տարածք), Արգենտինայի քաղաքացի, Անտարկտիդա մայրցամաքում ծնված առաջին մարդը։ Էմիլիոն ծննդյան ժամանակ կշռել է 3.4 կգ, ծնվել է Ֆորտին Սարգենտո Կաբրալում՝ Էսպերանսա կայարանում, Անտարկտիկական թերակղզու գագաթի մոտ։ Նրա հայրը՝ կապիտան Խորխե Էմիլիո Պալման, կայարանի արգենտինական ջոկատի գլխավորն էր։ Ներկայումս Անտարկտիկայում ծնվել է 10 մարդ[1]։
1977 թվականի վերջին, հղիության 7-րդ ամսում, Մարիա Սիլվիա դե Պալման՝ Էմիլիոյի մայրը տեղափոխվել է Էսպերանսա կայան, որպեսզի այնտեղ ծննդաբերի[2]։ Օդային կամուրջը, այսպես կոչված Արգենտինական Անտարկտիկայի ինքնիշխանության վերաբերյալ վեճի լուծման միջոցներին մեկն էր։ Էմիլիոն ինքնաբերաբար ստացավ արգենտինական քաղաքացիություն, քանի որ նրա ծնողները Արգենտինայի քաղաքացիներ էին, բացի այդ նա ծնվել է Արգենտինական Անտարկտիկայի տարածքում։
Էմիլիոն կարող էր նաև հավակնել բրիտանական քաղաքացիության, քանի որ կայանի տեղադրությունը համընկնում է հայտարարված Բրիտանական անտարկտիկական տարածքների կազմի մեջ, բայց ո՛չ ինքը, ո՛չ էլ նրա ծնողները նման հարցում չեն ներկայացրել։
Էմիլիո Պալման ընդգրկված է Գինեսի ռեկորդների գրքում որպես պատմության մեջ առաջին մարդ, ով ծնվել է Անտարկտիդա մայրցամաքում։ Նրա եղբայրը՝ Բաուերը, նույնպես ծնվել է Անտարկտիկայում, 12 տարի անց, այն ժամանակ, երբ նրանց ծնողները երկամյա գիտական հանձնարարություն էին կատարում մայրցամաքում։
Այլ թեկնածուներ[խմբագրել | խմբագրել կոդը]
Բացի այդ, նորվեգացի Սոլվեյգ Գունբյորգ Յակոբսենը, որը 1913 թվականին ծնվել էր Հարավային Ջորջիա կղզու տարածքում, երբեմն նաև համարվում է Անտարկտիկայի տարածքում ծնված առաջին երեխան, սակայն այս տարածքները Անտարկտիկայի տարածքի մաս են համարվում միայն որոշ դեպքերում[3]։
Անտարկտիդայի այլ «քաղաքացիներ»[խմբագրել | խմբագրել կոդը]
Արգենտինացիներ․
- Մարիսա դե լաս Նիեվես Դելգադո (մայիսի 27, 1978)
- Ռուբեն Էդուարդո դե Կարիլ (սեպտեմբերի 21, 1979)
- Ֆրանցիսկո Խավիեր Սոսա (սեպտեմբերի 21, 1979)
- Սիլվիանա Անալիա Արնուիլ (հունվարի 14, 1980)
- Խոսե Մանուել Վալադարես Սոլիս (հունվարի 24, 1980)
- Լուկաս Դանիել Պոզե (փետրվարի 4, 1980)
- Մարիա Սոլ Կոսենզա (մայիսի 3,1983)
Չիլիացիներ․
- Խուան Պավլո կամաչո Մարտինո (նոյեմբերի 21, 1984)
- Գիսելա Էստեր Կորտես Ռոխաս (դեկտեմբերի 2, 1984)
- Իգնասիո Ալֆոնսո Միրանդա Լագունաս (հունվարի 23, 1985)
Ծանոթագրություններ[խմբագրել | խմբագրել կոդը]
- ↑ «Life found under S Pole ice shelf». The Times. 1978 թ․ հունվարի 10.
- ↑ «Born Freezing: Meet Antarctica's First Citizen». WebEcoist. Արխիվացված օրիգինալից 2012 թ․ հունիսի 25-ին. Վերցված է 2012 թ․ հուլիսի 12-ին.
- ↑ Gravminner i Norge.