Էդվարդ Ասրյան
| Էդվարդ Ասրյան | |
|---|---|
| մայիսի 22, 1977 (46 տարեկան) - | |
| Քաղաքացիություն |  ԽՍՀՄ և  Հայաստան |
| Կոչում | գեներալ-մայոր |
| Պարգևներ |  |
Էդվարդ Էդիսոնի Ասրյան (մայիսի 22, 1977[1]), Հայաստանի զինված ուժերի գեներալ-մայոր, 2022 թվականի հուլիսի 14-ից Հայաստանի Հանրապետության զինված ուժերի գլխավոր շտաբի պետ[2][3], պաշտպանության նախարարի առաջին տեղակալ։
Կենսագրական տվյալներ[խմբագրել | խմբագրել կոդը]
Ծնվել է 1977 թվականի մայիսի 22-ին, ԼՂՀ Ազոխ գյուղում։
- 1994-1999 թթ.-ավարտել Արցախի պետական համալսարանը (հեռակա)
- 2004-2006 թթ.-ՌԴ ԶՈՒ համազորային ակադեմիա։
- 2018 թ.- ՌԴ ԶՈՒ ԳՇ ռազմական ակադեմիայի եռամսյա դասընթացներ
- 2021 թ.- ՌԴ ԶՈՒ ԳՇ ռազմական ակադեմիայի դասընթացներ
Ռազմական կարիերա[խմբագրել | խմբագրել կոդը]
1994 թ-ից զբաղեցնում է տարբեր ղեկավար պաշտոններ ԶՈՒ կազմում։ 2015 թվականից մինչև 2017 թվականը զբաղեցրել է ՊՆ Վ. Սարգսյանի անվան ռազմական համալսարանի համազորային ֆակուլտետի պետի տեղակալի, այնուհետև ֆակուլտետի պետի պաշտոնները։ 2017 թվականին նշանակվել է ՀՀ ԶՈՒ գլխավոր շտաբի օպերատիվ վարչության պետի տեղակալ։ 2019 թվականին նշանակվել է ՀՀ ԶՈՒ գլխավոր շտաբի օպերատիվ գլխավոր վարչության պետ։ Գեներալ-մայոր Էդվարդ Ասրյանը 2021 թվականի մայիսի 21-ին նշանակվել էր գլխավոր շտաբի օպերատիվ գլխավոր վարչության պետի - գլխավոր շտաբի պետի տեղակալի պաշտոնում, իսկ նույն թվականի սեպտեմբերի 27-ին ազատվել էր այդ պաշտոնից[4]։ 2022 թվականի հուլիսի 14-ին Հայաստանի նախագահ Վահագն Խաչատուրյանի հրամանագրով Էդվարդ Ասրյանը հինգ տարի ժամկետով նշանակվել է ՀՀ ԶՈՒ ԳՇ պետ[5][6]։
Կոչումներ[խմբագրել | խմբագրել կոդը]
2020 թվականի հոկտեմբերի 30-ին Հայաստանի նախագահի հրամանագրով շնորհվել է գեներալ-մայորի զինվորական կոչում։
Պարգևներ[խմբագրել | խմբագրել կոդը]
2013 թվականի հունվարի 21-ին, բանակի օրվա առթիվ, Հայրենիքի պաշտպանության գործում ցուցաբերած արիության և անձնական խիզախության, զորքերի մարտական պատրաստվածության ապահովման գործում ներդրած նշանակալի ավանդի համար պարգևատրվել է Մարտական ծառայության մեդալով[7]։
Ծանոթագրություններ[խմբագրել | խմբագրել կոդը]
- ↑ «Հայտարարագրերի ռեեստր - ՀՀ Կոռուպցիայի կանխարգելման հանձնաժողով»։ cpcarmenia.am։ Վերցված է 2022-07-15
- ↑ content։ «ՀՀ նախագահի հրամանագրով Էդվարդ Ասրյանը նշանակվել է ՀՀ ԶՈՒ ԳՇ պետ»։ mil.am։ Վերցված է 2022-07-15
- ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ»։ president.am։ Վերցված է 2022-07-15
- ↑ «Էդվարդ Ասրյանը նշանակվել է ՀՀ զինված ուժերի գլխավոր շտաբի պետ»։ Hetq.am։ Վերցված է 2022-07-15
- ↑ «Էդվարդ Ասրյանը նշանակվել է ԶՈՒ Գլխավոր շտաբի պետ»։ news.am։ Վերցված է 2022-07-15
- ↑ «Էդվարդ Ասրյանը նշանակվել է Զինված ուժերի գլխավոր շտաբի պետ»։ «Ազատ Եվրոպա/Ազատություն» ռադիոկայան։ Վերցված է 2022-07-15
- ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ»։ president.am։ Վերցված է 2022-07-15