Երևանյան հավերի ցեղ

Վիքիպեդիայից՝ ազատ հանրագիտարանից
Jump to navigation Jump to search

Երևանյան հավերի ցեղ, հավերի մսաձվատու ցեղ։ Ստեղծվել է Հայաստանում՝ բարդ վերարտադրողական տրամախաչմամբ ընտրասերման միջոցով։ Բուծվում են ՀՀ տնտեսություններում։ Ունեն ամուր մարմնակազմվածք և ոտքեր, խիտ, հիմնականում կարմրահարդագույն (երբեմն՝ սև) փետրածածկ, լայն, լավ զարգացած կուրծք, երկար ու լայն մեջք։ Աքաղաղների միջին կենդանի զանգվածը 3, 5 (4) կգ է, վառեկներինը՝ 2-2, 2 կգ, հավերինը՝ 2, 3 (2, 4-2, 5) կգ։ Տարեկան միջին ձվատվությունը 160-170 (200) հատ է։ Այս ցեղի հավերը պահանջկոտ չեն խնամքի և կերակրման նկատմամբ, ունեն բնական բարձր դիմադրողականություն մի շարք վարակների և ծայրահեղ պայմանների հանդեպ։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png