Երկնքում միայն աղջիկներ են
 ռուս.՝ В небе только девушки | |
|---|---|
| Երկիր | .svg){kind=small} ԽՍՀՄ |
| Ժանր | կինոկատակերգություն |
| Թվական | 1967 |
| Լեզու | ռուսերեն |
| Ռեժիսոր | Վասիլի Ժուրավլյով |
| Սցենարի հեղինակ | Վասիլի Ժուրավլյով |
| Կինոընկերություն | Մոսֆիլմ |
«Երկնքում միայն աղջիկներ են» (ռուս.՝ «В небе только девушки»), 1967 թվականի գեղարվեստական կարճամետրաժ ֆիլմ[1], որի նկարահանումները տեղի են ունեցել 4000 մետր բարձրության վրա և դրանց մասնակցել են ԽՍՀՄ օդային ուժերի կենտրոնական սպորտային պարաշյուտային ակումբի 20 մարզիկներ։ Ֆիլմը նկարահանվել է «Գեղեցկուհի Վասիլիսայի առևանգումը» ռուսական ժողովրդական հեքիաթի մոտիվներով[2]։
Սյուժե[խմբագրել | խմբագրել կոդը]
Գեղեցկուհի Վասիլիսան ինքնաթիռում անհամբեր սպասում է Իվանուշկայի հետ հանդիպմանը։ Ինքնաթիռ գաղտնի ներթափանցած Բաբա Յագան սպասում է հարմար պահի, որպեսզի փախցնի Վասիլիսային և թույլ չտա նրան հանդիպել փեսացուի հետ։ Արդյունքում, Բաբա Յագան բռնում է գեղեցկուհի Վասիլիսային և նրա հետ ցատկում ինքնաթիռից։ Վասիլիսան փորձում է փախչել ծեր կախարդի ձեռքից, բայց դա նրան չի հաջողվում, և նա օգնության է կանչում Իվանուշկային։ Փեսացուն սիրելիի հետ ժամադրության էր շտապում մեկ այլ ինքնաթիռով և ժամանակին լսում է տագնապալի կանչը։ Իվանուշկան բռնում է նենգ Բաբա Յագային, կարճ մենամարտից հետո խլում է ցախավելը և ազատում Վասիլիսային։ Կախարդական ուժից զրկված՝ կախարդը ցած է ընկնում։
Նկարահանումներին մասնակցել են նաև խեղկատակներ, դևեր և արջ, որոնք հեքիաթային մթնոլորտ են ստեղծել։
Դերերում[խմբագրել | խմբագրել կոդը]
- Ալբինա Կասյանովա
- Գալինա Պիմենովա
- Անտոնինա Բարանովա
- Ռաիսա Ալեքսեևնա
- Ալեվտինա Գորշկովա
- Մարիա Զվյագինա
- Անտոնինա Կենսիցկայա
- Ալլա Կիսելյովա
- Լյուբով Մասիչ
- Նինա Պանկովա
Նկարահանող խումբ[խմբագրել | խմբագրել կոդը]
- Ռեժիսոր՝ Վասիլի Ժուրավլյով
- Սցենարի հեղինակներ՝ Իվան Լիսով, Վասիլի Ժուրավլև
- Օպերատորներ՝ Վլադիմիր Զախարչուկ, Ռոբերտ Սիլին
- Կոմպոզիտոր՝ Էդիսոն Դենիսով[3]
Փաստեր[խմբագրել | խմբագրել կոդը]
- Ֆիլմում նկարահանվել են ոչ միայն աղջիկներ, այլև տղամարդ պարաշյուտիստներ, մասնավորապես, «Արջի» դերում թռիչքներ է կատարել ԽՍՀՄ 15-ակի չեմպիոն, աշխարհի բացարձակ չեմպիոն, աշխարհի 22-ակի ռեկորդակիր, միջազգային կարգի սպորտի վարպետ Պյոտր Ֆրանցևիչ Օստրովսկին։
- Մարիա Տրուբոչկինան արջի մորթու մեջ ցատկ չի կատարել, այդ ամենը մոնտաժ է։
Մրցանակներ[խմբագրել | խմբագրել կոդը]
- 1968 թվականին Սան Սեբաստիանի միջազգային կինոփառատոնում ֆիլմն արժանացել է գլխավոր մրցանակի (ոսկե լվացարան) լավագույն կարճամետրաժ ֆիլմի համար։
Ծանոթագրություններ[խմբագրել | խմբագրել կոդը]
- ↑ «Երկնքում միայն աղջիկներն են» ֆիլմը kino-teatr.ru կայքում
- ↑ «Երկնքում միայն աղջիկներն են»
- ↑ «Երկնքում միայն աղջիկներն են» ֆիլմը kinopoisk.ru կայքում
Արտաքին հղումներ[խմբագրել | խմբագրել կոդը]
|
