Երկաթի (II) սուլֆատ

Երկաթի (II) սուլֆատ
Ընդհանուր տեղեկություններ
Դասական անվանակարգում	Երկաթի (II) սուլֆատ
Քիմիական բանաձև	FeO₄S
Մոլային զանգված	2,5E−25 կիլոգրամ գ/մոլ
Խտություն	1,898 գ/սմ³ գ/սմ³
Կազմալուծման ջերմաստիճան	680 °C
Քիմիական հատկություններ
Դասակարգում
CAS համար	7720-78-7
PubChem	24393
EINECS համար	231-753-5
SMILES	[O-]S(=O)(=O)[O-].[Fe+2]
ЕС	231-753-5
RTECS	NO8500000
ChEBI	22804
Եթե հատուկ նշված չէ, ապա բոլոր արժեքները բերված են ստանդարտ պայմանների համար (25 °C, 100 կՊա)

Երկաթի (II) սուլֆատ, անօրգանական միացություն, ծծմբական թթվի երկաթի (II) աղն է: Քիմիական բանաձևն է՝ FeSO₄: Չցնդող, անհոտ, անջուր սուլֆատն անգույն, բայց ոչ թափանցիկ, շատ խոնավածուծ նյութ է: Բյուրեղահիդրատները խոնավածուծ, բաց երկնականաչ թափանցիկ բյուրեղներ են, եռհիդրատը՝ FeSO₄·4Н₂О կանաչ է, միահիդրատը՝ FeSO₄·Н₂О անգույն է: Ունի ուժեղ տտիպ մետաղական համ: Օդում աստիճանաբար քայքայվում են կորցնելով բյուրեղաջուրը: Երկաթի (II) սուլֆատը լավ է լուծվում ջրում (26,3 գ 20°С-ում): Ջրային լուծույթից բյուրեղանում է երկնականաչ հեպտահիդրատը՝ FeSO₄·7Н₂О, որի պատահական անվանումը երկաթարջասպ է: Վերջինիս թունավորությունը համեմատաբար ցածր է: Կիրառվում է տեքստիլ արդյունաբերությունում և գյուղատնտեսությունում որպես ֆունգիցիդներ (սնկասպան նյութեր): Ինչպես նաև հանքային ներկերի արտադրությունում:

Բնական անալոգ հանքաքարը մելանտերիտն է: Բնության մեջ հանդիպում է դեղնականաչ, մոնոկլինային բյուրեղների տեսքով:

Բյուրեղահիդրատներ

Երկաթի (II) սուլֆատը հայտնի է տարբեր բյուրեղահիդրատների ձևով, այդ ձևերից մի քանիսը գոյություն ունեն բնության մեջ.

• FeSO₄·H₂O
• FeSO₄·4H₂O
• FeSO₄·5H₂O
• FeSO₄·6H₂O
• FeSO₄·7H₂O

Անջուր երկաթի (II) սուլֆատ

Հատկություններ

Երկաթի (II) սուլֆատն ջրային լուծույթից անջատվում է 1,82°C մինչև 56,8°C ջերմաստիճանում երկաթարջասպի՝ FeSO₄·7H₂О բաց կանաչ բյուրեղների տեսքով: 100 գ ջրում լուծվում է 26,6 գ անջուր FeSO₄ 20°C-ում և 54,4 գ 56°C ջերմաստիճանում:

Երկաթի (II) սուլֆատի լուծույթը օդի թթվածնով օքսիդանում է մինչև երկաթի (III) սուլֆատ.

${\ce {12 FeSO4{}+ 3 O2{}+ 6 H2O -> 4 Fe2(SO4)3{}+ 4 Fe(OH)3 v}}$

Տաքացնելիս 480°C-ից բարձր ջերմաստիճանում քայքայվում է.

${\ce {2 FeSO4 -> Fe2O3{}+ SO2{}+ O2}}$

Ստացում

Երկաթարջասպ կարող է ստացվել երկաթի ջարդոնը կամ թիթեղը նոսր ծծմբական թթվով մշակելիս: Արդյունաբերությունում որպես կողմնակի նյութ երկաթարջասպը ստացվում է երկաթե թիթեղների և մետաղալարերի ստացման, օքսիդաթաղանթների հեռացման ժամանակ.

${\ce {Fe{}+ H2SO4 -> FeSO4 + H2 ^}}$

Պիրիտի օքսիդացումից.

${\ce {FeS2{}+ 3 O2 -> FeSO4{}+ SO2}}$

Արդյունաբերության մեջ որպես կողմնակի նյութ երկաթարջասպը ստացվում է իլմենտիտից տիտանի օքսիդի ստացման ժամանակ:

Կիրառություն

Կիրառվում է թանաքի և ներկերի (մորթին սև ներկելու համար) ստացման մեջ: Երկաթի (II) սուլֆատը կարող է օգտագործվել նաև բետոնը, որոշ կրաքարեր և ավազաքարեր դեղնավուն ժանգի գույնով ներկելու համար:

Երկաթի (II) սուլֆատը կիրառվում է բարձր հիմնայնության հողերի pH–ն իջեցնելու համար,:

Բժշկության մեջ օգտագործվում է որպես դեղանյութ՝ երկաթ պակասորդային սակավարյունության կանխարգելման և բուժման համար: Ռուսաստանում գրանցված է «Հեմոֆեր պրոլոնգատում», «Տարդիֆերոն», «Սորբիֆեր Դուրուլես» և «Ֆերրոպլեկս» (վերջին երկուսում որպես հակաօքսիդանտ ավելացվում է ասկորբինաթթու):

Գյուղատնտեսության մեջ այն օգտագործվում է ծառերը ցողելու համար:

Երկաթի (II) սուլֆատը օգտակար ռեակտիվ է սնկերի նույնականացման համար:

Որպես ֆերոսուլֆատային դոզիմետր կիրառվում է քիմիական դոզիմետրիայում:

1850-ականների երկրորդ կեսին երկաթի սուլֆատը օգտագործվել է լուսանկարչության մեջ:

Արտաքին հղումներ

• «Железный или зелёный купорос»։ Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ)։ Սանկտ Պետերբուրգ։ 1890–1907 
• «Железный купорос»։ Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ)։ Սանկտ Պետերբուրգ։ 1890–1907