Երկաթայնացում

Երկաթայնացում մետաղական շինվածքների վրա երկաթի էլnկտրոլիտիկ նստեցման պրոցես, երբ էլեկտրոլիտով անցնում է հաստատուն հոսանք։ էլեկտրոլիտի հիմնական բաղադրամասը երկաթի սուլֆատն է կամ երկաթի երկքլորիդը։ Երկաթայնացումը լայնորեն կիրառվում է պոլիգրաֆիայում՝ գալվանապլաստիկայի եղանակով կլիշե պատրաստելու և գալվանաստևգիայի եղանակով պղնձե թիթեղները երկաթի շերտով պատելու համար։ Կիրառվում է նաև մաշված մեքենամասերի չափերի վերականգնման համար։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 594)։