Դյուրարարա՜

Վիքիպեդիայից՝ ազատ հանրագիտարանից
(Վերահղված է Դյուրարարա!!ից)
Picto infobox cinema.png
Դյուրարարա՜
Տեսակ համակարգչային խաղ, television anime և գիրք
Ժանր drama anime and manga, Romance anime and manga, անիմե կամ մանգա, visual novel, շոնեն մանգա և վեպ
Ռեժիսոր Օմորի Տակախիրո
Սցենարիստ Րյոգո Նարիտա
Անիմատորներ Սուձուխիտո Յասուդա
Երկիր Ճապոնիա Ճապոնիա
Տևողություն 24 րոպե
Թվական 2010
Շնորհանդես 2010 թ. հունվարի 8
Պաշտոնական կայք
Durarara!! Վիքիպահեստում

Դյուրարարա!! (ճապ.՝ ` デュラララ!!) Ճապոնիայում լույս տեսած լայթ-նովել` Րյոգո Նարիտոյի գլխավորությամբ և Սիձուխիտո Յասուդայի պատկերազարդումներով։

Սյուժե[խմբագրել | խմբագրել կոդը]

Միկադո Րյուգամինեն՝ հանգիստ և համեստ մի երիտասարդ, ապրում է մայրաքաղաքի արվարձանում և նախընտրում շփումը համացանցով։ Սակայն հերոսը հանկարծ ինչ-որ նոր բան է ցանկանում և մանկության ընկերոջ խորհրդով տեղափոխվում Ռայրա ավագ դպրոց։ Այն գտնվում էր Իկիբակուրույում` Տոկիոյի ամենաուրախ ու ամենավտանգավոր թաղամասերից մեկում: Այստեղ լինելով` Միկադոն ուղղակի խորասուզվում է ուրիշ աշխարհի մեջ, իսկ հին ընկեր Մասաոմին ավելի խորն է տանում նոր բնակավայրի փուլերով։ Շատ շուտով նորեկ Միկադոն հասկանում է, որ ապրելու համար պետք է կարողանալ շրջանցել մարդկանց, փողոցային ավազակախմբերը առաջվա պես արտասովոր չեն։ Իսկ երբ Միկադոն տեսնում է քաղաքային լեգենդին՝ անգլուխ հեծյալին, վերջնականապես հասկանում է, որ իզուր չի եկել։ Դրանից հետո գլխավոր հերոսը դառնում է մեծ քաղաքի, դպրոցական ընկերների հետ համարձակ արկածների ու կյանքի, փողոցային և համացանցային ավազակների, սև շուկայի գործարքուների, գերբնական արարածների մի մասը։

Կերպարներ[խմբագրել | խմբագրել կոդը]

Սելտի Ստուրլուսոն

Սելտի Ստուրլուսոն

Սերիալի գլխավոր հերոսուհին՝ նույն ինքը անգլուխ մոտոցիկլավարուհին, սև մոտոցիկլավարուհին։ Նրա կերպարը կելտերի դիցաբանությունից է։ Նա պարտավորված է այցելել այն մարդկանց, որոնք մահամերձ են։ Ճապոնիայում եղել է դեպքերից 20 տարի առաջ՝ իր կորած գլխի փնտրտուքներով։ Գլխի բացակայությունը Սելտին թաքցնում է դեղին սաղավարտի տակ և ճանապարհորդում սև մոտոցիկլով, որն իրականում անգլուխ ձի է։ Իր ընկեր Սինրոյի հետ անցկացրած երկար տարիներ ից հետո սկսում է երկմտել փնտրտուքները դադարեցնելու մասին։ Սամ Սինրան սիրում է նրան, բայց Սելտին միանգամից փոխադարձ չի պատասխանում նրան։ Քաղաքային զրուցարանում նրա կեղծանունը Սետտոն է։

Միկադո Րյուգամինե Երազկոտ հերոս, ով սկզբում ապրում էր Տոկիոյի արվարձանում, այնուհետև՝ Իկիբակուրույում։ Հակառակ իր ծնողներին՝ նա որոշում է հեռանալ և ընդունվել նոր դպրոց։ Դոլարներ ավազակախմբի հիմնադիրն է։ Քաղաքային զրուցարանում նրա կեղծանունը Տարո Տանակա է։

Մասաոմի Կիդա Իկիբակուրույի հին բնակիչ, Կիդոյի մանկության ընկերը։ Հենց նա է, որ խորհուրդ է տալիս Միկադոյին տեղափոխվել։ Սկզբում նա ներկայանում է որպես կենսուրախ, շատախոս տղա, այնուհետև բացահայտվում է, որ նա «Դեղին շալեր» ավազակախմբի հիմնադիրն ու նախկին առաջնորդն է հանդիսանում։ Իկուբակուրոյի 3 առաջնորդ խմբերի հետ բախումից հետո նա լքում է քաղաքը իր ընկերուհու՝ Սակի Միկաձիմայի հետ։ Քաղաքային զրուցարանում նրա կեղծանունը Բակյուրա է։

Անրի Սոնահարա Սիրային եռանկյունու ներկայացուցչուհի, որի մեջ ներգրավված էին Կիդան և Միկադոն՝ չնայած նրան, որ նա երկուսին էլ համարում է իր լավահույն ընկերները։ Հանգիստ և գրավիչ մի աղջիկ։ Նրա ծնողները մահացել են, երբ նա 5 տարեկան էր։ Քաղաքային զրուցարանում նրա կեղծանունը Սայկա է։