Դաշինք (թերթ)
«Դաշինք», գրական-քաղաքական օրաթերթ։ Հրատարակվել է 1909—1915 թվականներին և 1919 թվականին, Զմյուռնիայում, իբրև շարունակություն «Արևելյան մամուլ»-ի (1871 —1909 թվականներին)։ Խմբագիր՝ Ս․ Պարթևյան։ «Դաշինք» ռամկավար կուսակցության դիրքերից անդրադարձել է արևմտահայության հասարակական-քաղաքական խնդիրներին, լուսաբանել գավառի ազգային և տնտեսության, Թուրքիայի ներքին ն արտաքին կացությունը, պայքարել երիտթուրքերի հակահայ գործունեության դեմ[1][2]։
Տպագրել է քննադատական ու տեղեկատու նյութեր զմյուռնահայության, բնաշխարհի և Կոնստանդինոպոլսի սահմանադրական մարմինների գործունեության մասին։ «Դաշինք»-ը ներկայացրել է հայ, ռուս և եվրոպական գրողների ստեղծագործությունները, տնսական հոդվածներով լուսաբանել ազգային մշակույթի և արվեստի զարգացման խնդիրներ։ Աշխատակցել են Ա․ Հարությունյանը, Մ․ Պարսամյանը, Հ․ Ալփիարը, Մ․ Կյուրճյանը, Կ․ Պալապանյանը և ուրիշնևր։ 1919—1922 թվականներին լույս է տեսել «Արևելյան մամուլ» անունով։
Ծանոթագրություններ[խմբագրել | խմբագրել կոդը]
- ↑ «Վիեննայի մենաստանի մամուլի շտեմարան- ԴԱՇԻՆՔ». Վերցված է 2022 թ․ դեկտեմբերի 21-ին.
- ↑ «Համահայկական թվանշային գրադարան».
|
Սա թերթի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 284)։ 
|