Գնա և մի մեղանչիր
Գնա և մի մեղանչիր | |
---|---|
Տեսակ | գրական ստեղծագործություն |
Ժանր | պատմավեպ |
Հեղինակ | Վալենտին Պիկուլ |
Բնագիր լեզու | ռուսերեն |
Գրվել է | 1990 |
Հրատարակվել է | 1990 |
«Գնա և մի մեղանչիր» (ռուս.՝ «Ступай и не греши»), Վալենտին Պիկուլի պատմական վեպը, որը հեղինակն անվանել է բուլվարային[1]։ Առաջին անգամ հրատարակվել է 1990 թվականին «Մոլոդայա գվարդիա» ամսագրում[2]։ 1995 թվականին վեպն էկրանավորվել է։
Ստեղծման պատմություն
[խմբագրել | խմբագրել կոդը]«Գնա և մի մեղանչիր» վեպը Վալենտին Պիկուլը գրել է երկու շաբաթում։
Այնպես է ստացվել, որ տանջալից ու երկար կասկածներից հետո՝ գրել, թե չգրել, մոռանալ, թե հիշել, ես սա սկսում եմ հենց մարտի 8-ից, որը այնքան էլ չի հուզում մեր կանանց, որոնք հաճախ նվաստացած, վիրավորված և զայրացած են, քանի որ նրանց կյանքն ամենևին այնպես չի դասավորվում, ինչպես երազում են։ Ես սա գրել եմ հարյուրամյա վաղեմության պատմական փաստերի օրինակով, բայց կարծում եմ, որ անցյալի սիրո և բարոյականության հարցերը միշտ արդիական կմնան մեր բուռն ժամանակի համար[3]։
Բնօրինակ տեքստ (ռուս.)Так уж получилось, что после изнурительных и долгих сомнений – писать или не писать, забыть или вспомнить? – я начинаю эту вещь именно 8 марта, который не ахти как волнует наших жён, зачастую униженных, оскорбленных и разгневанных, ибо их жизнь складывается совсем не так, как о ней мечталось...Я писал эту вещь на примере исторических фактов столетней давности, но думается, что вопросы любви и морали в прошлом всегда останутся насущными и для нашего суматошного времени.
Իր ստեղծագործության մասին հեղինակն ասել է․
Ամբողջ կյանքում ես գրել եմ ռազմահայրենասիրական վեպեր, բայց քննադատները համառորեն ինձ անվանում էին «բուլվարային գրող»։ Վերջապես ես հասկացա, որ մեր գրական-թերթային զոիլոսներին հաճոյանալ կարելի է միայն մի ձևով՝ հիրավի բուլվարային վեպ գրելով, որպեսզի իմ՝ որպես գրողի մասին նրանց կարծիքը լիովին հաստատվի[4]։
Բնօրինակ տեքստ (ռուս.)Всю жизнь я писал военно-патриотические романы, но критики упрямо именовали меня «бульварным писателем»... Наконец я понял, что угодить нашим литературно-газетным зоилам можно лишь одним изуверским способом — написать воистину бульварный роман, дабы их мнение обо мне, как о писателе, полностью подтвердилось[...]
Սյուժե
[խմբագրել | խմբագրել կոդը]Վեպի սյուժեն հիմնված էր 1895 թվականին Սիմֆերոպոլի կալվածատիրուհի Օլգա Պալեմի կողմից իր սիրեկանի՝ Ալեքսանդր Դովնարի սպանության աղմկահարույց դեպքի վրա։ Դատարանում որպես Օլգայի պաշտպան հանդես է եկել ժամանակի հայտնի փաստաբան Նիկոլայ Կարաբչևսկին[3]։ Այդ ժամանակի աղմկահարույց իրադարձության բոլոր փաստերը Վալենտին Պիկուլը վերցրել է նախահեղափոխական արխիվային փաստաթղթերից, արձանագրություններից և փաստաբանական գրառումներից[1]։
Օլգա Պիլեմը, որը ծնվել էր բազմազավակ հրեական ընտանիքում, փախել է իր հայրական տնից, քանի որ հայրը ստիպել է նրան ամուսնանալ չսիրված մարդու հետ։ Օլգան դարձել է հարուստ ծերունի Ստանիսլավ Վասիլևիչ Կանդինսկու սիրուհին, իսկ հետո լքել է նրան՝ հանուն ուսանող Ալեքսանդր Դովնարի հանդեպ խենթ սիրո։ Հանուն նրա, Օլգան ընդունել է քրիստոնեությունը և նրա կողմից հանդուրժել վիրավորանքներ, նվաստացումներ և ահաբեկումներ։ Ի վերջո, չդիմանալով նվաստացումներին և հուսահատվելով, նա սպանել է Դովնարին։ Այս վեպի իրադարձությունները սկսվում են Օդեսայում և ավարտվում Ամուրի ափերին։ Այս վեպը կանգնած է սիրո և մարդկային փոխհարաբերությունների հարցերի լուծման խնդրի առջև, որոնք արդիական են նաև ժամանակակից սերնդի համար[1][3]։
Էկրանավորում
[խմբագրել | խմբագրել կոդը]1995 թվականին Վալենտին Պիկուլի «Գնա և մի մեղանչիր» վիպակի հիման վրա նկարահանվել է ռեժիսոր Վ. Ս. Պանինի «Բուլվարային սիրավեպ» գեղարվեստական ֆիլմը, որում Օլգա Պալեմի դերը կատարել է դերասանուհի Աննա Սամոխինան[5]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 valentin pikul Валентин Пикуль роман Ступай и не греши.
- ↑ fantlab.ru Валентин Пикуль - роман «Ступай и не греши».
- ↑ 3,0 3,1 3,2 Славное имя - "берегиня": Романы. Ист. миниатюры / Валентин Пикуль; [Худож. В. С. Комаров]. - М. : Современник, 1990 г. — 636 с. — С.392 — ISBN 5-270-01145-X
- ↑ «Филатова А. И. Пикуль Валентин Саввич // Русская литература XX века. Прозаики, поэты, драматурги: Биобиблиографический словарь. В 3-х томах. Т. 3. — М.: ОЛМА-ПРЕСС Инвест, 2005 г. — С.62». Արխիվացված օրիգինալից 2012 թ․ մայիսի 16-ին. Վերցված է 2021 թ․ փետրվարի 25-ին. Филатова А. И. Пикуль Валентин Саввич // Русская литература XX века. Прозаики, поэты, драматурги: Биобиблиографический словарь. В 3-х томах. Т. 3. — М.: ОЛМА-ПРЕСС Инвест, 2005 г. — С.62]
- ↑ Кино России : актерская энциклопедия / Федеральное агентство по культуре и кинематографии РФ, Науч.-исслед. ин-т киноискусства ; [Багров П. и др.]. - Москва : Науч.-исслед. ин-т киноискусства, Вып. 2. - 2008 г. — 225 с. — С.161 — ISBN 978-5-91524-003-1
Գրականություն
[խմբագրել | խմբագրել կոդը]- Славное имя - "берегиня": Романы. Ист. миниатюры / Валентин Пикуль; [Худож. В. С. Комаров]. - М. : Современник, 1990 г. — 636 с. — С.392 — ISBN 5-270-01145-X
- Короткие романы: авторский сборник / Валентин Пикуль; М.: Юридическая литература, 1990 г. — С.3-160 — ISBN 5-7260-0523-6
- В. С. Пикуль. Ступай и не греши. — Транс-Ф, 1990. — 160 с. — 500 000 экз. — ISBN 5-290-00001-1.