Գլխի թեփոտում

Վիքիպեդիայից՝ ազատ հանրագիտարանից
Գլխի թեփոտում
Bearddandruff.JPG
Ենթադաս Desquamation
ՀՄԴ-9 690.18
Հիվանդությունների բազա 11911
MeSHID D063807

Գլխի թեփոտում, առատ թեփուկներ, որոնք առաջանում են գլխի մաշկի մազածածկ մասերում։ Սովորական թեփոտման ժամանակ մանր թեփուկները տարածվում են գլխի մազածածկ մասի ամբողջ մակերեսով կամ առավելապես լինում են ճակատային և քունքային հատվածներում, երբեմն՝ առանձին օջախներով։ Ճարպազատումը թույլ է արտահայտված, անհանգստացնում է քորը, աստիճանաբար մազերը չորանում են, փշրվում և սկսում թափվել։

Պատճառ[խմբագրել | խմբագրել կոդը]

Գլխի թեփոտման պատճառ կարող են լինել վիտամինների (A, B խմբի) անբավարարությունը, ստամոքսաղիքային, նյարդային համակարգերի գործունեության խանգարումները, մազերի ոչ ճիշտ խնամքը, որի հետևանքով գլխի մաշկը չորանում է։ Ենթադրվում է նաև, որ գլխի թեփոտումը կարող է վարակիչ լինել։ Եթե գլխի թեփոտումը առաջանում է ուժեղ ճարպազատման հետևանքով, ապա թեփուկները ներծծվում են ճարպագեղձերի արտազատուկով, շերտավորվում են, դառնում դեղնավուն, իսկ մազերն արագ կեղտոտվում են և կպչում միմյանց։

Բուժում[խմբագրել | խմբագրել կոդը]

Գլխի թեփոտման ժամանակ խորհուրդ է տրվում վիտամիններով հարուստ սնունդ, կանոնավոր քուն, լիարժեք հանգիստ, համապատասխան խնամք (հատուկ շամպուններ)՝ կախված մազերի բնույթից։ Արտահայտված թեփոտման, խոշոր թեփերի, գլխի մաշկի բորբոքային ախտանշանների, մազերի փշրվելու դեպքերում, որոնք կարող են լինել լուրջ հիվանդությունների (օրինակ՝ միկրոսպորիա, տրիխոֆիտիա, էկզեմա) ախտանշաններ, որը բուժվում է առողջապահական կենտրոններում։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հանրամատչելի բժշկական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png