Գլխավոր ուղևորը

Գլխավոր ուղևորը;
տեսակ	մարդ
	Ծանոթագրություններ;

«Գլխավոր ուղևորը» (ռուս.՝ Главный пассажир), տասը ամսական Դարինա Գրոմովայի (26 դեկտեմբերի, 2014 – 31 հոկտեմբերի, 2015) լուսանկարը, որ զոհվել է ծնողների հետ միասին Սինայի թերակղզում A321-ի ավիավթարի արդյունքում։ Պուլկովո օդանավակայանում արված լուսանկարը, որն աղջկա մայրը՝ Տատյանա Գրոմովան, վերբեռնել է «ВКонтакте» սոցիալական կայքի իր էջ «Գլխավոր ուղևորը» մակագրությամբ, արժանացել է մեծ ուշադրության որպես ավիավթարի խորհրդանիշ^[1]^[2]։ Վերջինը դարձել է խոշորագույն վթարը ռուսական ավիացիայի պատմության մեջ^[3]։

Լուսանկարը և արձագանքներ[խմբագրել | խմբագրել կոդը]

Պուլկովո օդանավակայանում ապակու մոտ կանգնած և ինքնաթիռերին նայող Դարինա Գրոմովայի լուսանկարը հրապարակել է նրա մայրը՝ Տատյանա Գրոմովան, ВКонтакте և Ինստագրամի իր էջերում «Գլխավոր ուղևորը» մակագրությամբ^[4]. այդ հրապարակումը դարձել է վերջինը Տատյանա Գրոմովայի կյանքում։

Ինքնաթիռի կործանումից և զոհվածների ցուցակների հրապարակումից կարճ ժամանակ անց տասը ամսական աղջկա լուսանկարն արժանացել է մեծ ուշադրության, տարածվել ամբողջ աշխարհում և հրապարակվել բազմաթիվ լրատվամիջոցների կողմից, ցուցադրվել լուրերի թողարկումների ժամանակ և մեծ թվով հրատարակությունների կողմից հայտարարվել 9268 չվերթի ողբերգության խորհրդանիշ^[1]^[5]^[6]^[7]։

Ավիավթարից մի քանի օր անց change.org կայքում հայտնվել է հանրագիր Պուլկովո օդանավակայանում Դարինա Գրոմովայի հուշարձանը կանգնեցնելու համար։ Ըստ նախաձեռնողների մտահղացման՝ դա պետք է լիներ «գլխավոր ուղևորի» քանդակը փոքր ինքնաթիռը ձեռքին։ Մի քանի օրվա ընթացքում հանրագիրը հավաքել է ավելի քան 160 հազար ստորագրություն^[8]^[9]։ Ռուսաստանի երիտասարդության միությունը նամակ է ուղարկել հայտնի քանդակագործ Զուրաբ Ծերեթելիին՝ խնդրելով դառնալ կոմպոզիցիայի հեղինակը, որը պետք է ներառեր Դարինա Գրոմովայի արձանը։ Զուրաբ Ծերեթելին համաձայնել է ստեղծել հուշարձանը և հայտարարել է, որ ունի մի քանի տարբերակներ, և ինքը համաձայն է հուշարձանի վրա աշխատել անվճար^[10]։ Դրանից առաջ Սանկտ Պետերբուրգի իշխանությունները հայտարարել են, որ քաղաքը միջոցներ չունի հուշարձանի ստեղծման համար, սակայն այն կարող է ընդունվել որպես նվեր։ Սանկտ Պետերբուրգի գլխավոր ճարտարապետ Ալեքսանդր Պետրովը նշել է, որ հուշարձանը չարժի տեղադրել Պուլկովո օդանավակայանում, քանի որ այդ դեպքում այն ողբերգական մտքեր կներշնչի ուղևորներին^[11]։

Ավիավթարից մեկ տարի անց կատարվածից ցնցված կոմպոզիտոր Իգոր Մատվիենկոն գրել է «Жить» երգի երաժշտությունը։ 2016 թվականին երգի ստեղծումն ավարտվել է, այն կատարել են ռուսական էստրադայի 27 արտիստներ։ Նույնպես մեկ տարի անց «The Davincies» խումբը ձայնագրել է Դարինային նվիրված իր «Главный пассажир» երգը^[12]։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

[ura.ru-1] 1,0 ^1,1 Зарубежные СМИ потрясла история «главного пассажира» разбившегося самолета. «Она стала символом трагедии» // Ura.ru

[2] Катастрофа А321: чёрный день в истории России

[3] Авиакатастрофа А321 стала крупнейшей в истории современной России :: Новости :: ТВ Центр — Официальный сайт телекомпании

[4] Запись на странице Татьяны Громовой

[5] Russian plane crash: Heartbreaking final picture 'shows father and daughter getting on doomed jet' at end of holiday | Mirror Online

[6] ТАСС: Происшествия — Тело погибшей при крушении А321 10-месячной Дарины Громовой опознано

[7] Sinai plane crash: 10-month girl becomes grieving symbol of Russia tragedy — RT News

[8] В Пулково предлагают установить мемориал памяти жертв A321

[9] Памятник «главному пассажиру» А321 предлагают установить в Пулково — L!FE.ru

[10] Церетели согласился стать автором мемориала жертвам А321 в Пулково — Общество — МК

[11] За мемориал жертвам A321 проголосовали свыше 100 тысяч человек — Общество — МК

[12] Первый зритель — бабушка «главного пассажира»

[1]

[2]

[3]

[4]

[5]

[6]

[7]

[8]

[9]

[10]

[11]

[12]

Գլխավոր ուղևորը

տեսակ	մարդ
Ծանոթագրություններ