Գիորգի Գվելեսիանի
 վրաց.՝ გიორგი გველესიანი | |||
|---|---|---|---|
 | |||
| Քաղաքացիությունը |
 Վրաստան | ||
| Ծննդյան ամսաթիվ | մայիսի 5, 1991[1][2] (33 տարեկան) | ||
| Ծննդավայր | Թբիլիսի, Վրաստան | ||
| Հասակ | 193 սանտիմետր | ||
| Դիրք | պաշտպան | ||
|
| |||
|
| |||
|
| |||
|
| |||
|
| |||
Գիորգի Գվելեսիանի (վրաց.՝ გიორგი გველესიანი, մայիսի 5, 1991[1][2], Թբիլիսի, Վրաստան), վրացի ֆուտբոլիստ, իրանական «Պերսեպոլիս» ակումբի և Վրաստանի ազգային հավաքականի պաշտպան։ Եվրոպայի 2024 թվականի առաջնության մասնակից։
Ակումբային կարիերա
[խմբագրել | խմբագրել կոդը]Գիորգի Գվելեսիանին Թբիլիսիի «Դինամո» ֆուտբոլային դպրոցի սան է։ Նա իր նորամուտը հարազատ ակումբում նշել է 2010/11 մրցաշրջանում։ Մայրաքաղաքային թիմում նա հանդես է եկել հաջորդ 5 մրցաշրջաններում, որոնց ընթացքում անցկացրել է 65 հանդիպում և դարձել 6 գոլի հեղինակ։ Նա խաղացել է նաև ակումբի երկրորդ թիմում՝ երեք հանդիպում անցկացնելով «Դինամոյի» պահեստային թիմում։ «Դինամոյում» խաղալու ընթացքում նա երեք անգամ դարձել է Վրաստանի չեմպիոն, 4 անգամ՝ երկրի գավաթակիր, երկու անգամ՝ երկրի սուպերգավաթակիր։
2015/16 մրցաշրջանի ավարտից հետո Գիորգին ազատ գործակալի կարգավիճակով լքել է հարազատ ակումբը[3] և հաջողությամբ փորձաշրջան անցել «Վոլին» ակումբում[4]։ 2016 թվականի հուլիսի 18-ին նա պայմանագիր է ստորագրել ուկրաինական ակումբի հետ[5], սակայն տրանսֆերային արգելքի պատճառով ի վերջո հեռացել է Լուցկի թիմից[6]։ 2017 թվականի սկզբին նա վերադարձել է Թբիլիսիի «Դինամո», որտեղ խաղացել է վեց ամիս։
2017 թվականի կեսերին Գիորգին դարձել է իրանական «Զոբ Ահան» ակումբի խաղացող[7], որի հետ արծաթե մեդալներ է նվաճել Իրանի բարձրագույն դիվիզիոնում[8]։ Մրցաշրջանի վերջում՝ 2018 թվականի կեսերին, նա դարձել է Պրո-լիգայի մեկ այլ թիմի՝ «Նասաջի Մազանդարանի» խաղացող[9]։ 2019 թվականին տեղափոխվել է «Սեփահան»[10][11]։
2022 թվականի հունիսի 19-ին նա երկու տարվա պայմանագիր է ստորագրել «Պերսեպոլիս» ակումբի հետ[12]։
Կարիերա հավաքականում
[խմբագրել | խմբագրել կոդը]Վրաստանի երիտասարդական հավաքականի կազմում Գիորգի Գվեսելիանին անցկացրել է 3 հանդիպում: Ֆուտբոլիստը հրավիրվել է ազգային հավաքական 2016 թվականի Եվրոպայի առաջնության ընտրական փուլի Շոտլանդիայի դեմ հանդիպմանը, սակայն ամբողջ խաղն անցկացրել է պահեստայինների նստարանին[13]։
Գվելեսիանին եղել է Վրաստանի առաջին խոշոր մրցաշարին՝ Եվրոպայի 2024 թվականի առաջնությանը, մասնակցող թիմի կազմում։ Նա մասնակցել է չորս հանդիպումներից երեքին, այդ թվում՝ Իսպանիայի հավաքականի հետ փլեյ-օֆ փուլի խաղին[14]։
Նվաճումներ
[խմբագրել | խմբագրել կոդը]Դինամո (Թբիլիսի)
[խմբագրել | խմբագրել կոդը]- Վրաստանի չեմպիոն՝ 2012/13, 2013/14, 2015/16
- Վրաստանի գավաթակիր՝ 2012/13, 2013/14, 2014/15, 2015/16
- Վրաստանի Սուպերգավաթի հաղթող՝ 2014, 2015
Զոբ Ահան
[խմբագրել | խմբագրել կոդը]- Իրանի առաջնության արծաթե մեդալակիր՝ 2017/18
Սեփահան
[խմբագրել | խմբագրել կոդը]- Իրանի առաջնության արծաթե մեդալակիր՝ 2020/21
Պերսեպոլիս
[խմբագրել | խմբագրել կոդը]- Իրանի չեմպիոն՝ 2022/23
- Իրանի գավաթակիր՝ 2022/23
- Իրանի Սուպերգավաթի հաղթող՝ 2023
Ծանոթագրություններ
[խմբագրել | խմբագրել կոդը]- ↑ 1,0 1,1 Transfermarkt.com(բազմ․) — 2000.
- ↑ 2,0 2,1 FBref.com(բազմ․)
- ↑ «გიორგი გველესიანი: "დინამოს" მწვრთნელის ჩემდამი ანტიპათიის გამო დავშორდი».
- ↑ «გველესიანი ამჯერად "ვოლინში" ვარჯიშობს».
- ↑ «Волынь» подписала грузинского защитника Արխիվացված 2016-08-16 Wayback Machine
- ↑ «გველესიანი – ტრავმაც და რეგისტრაციის პრობლემაც».
- ↑ «Zob Ahan Reaches Agreement with Georgian Defender Gvelesiani». Արխիվացված է օրիգինալից 2021-10-16-ին. Վերցված է 2021-10-16-ին.
- ↑ «გიორგი გველესიანი კარიერას ირანულ "ზობ აჰანში" გააგრძელებს».
- ↑ «ولسیانی به نساجی مازندران پیوست (عکس)». خبرگزاری ایلنا (պարսկերեն). Վերցված է 2022-06-19-ին.
- ↑ «ولسیانی به سپاهان پیوست». خبرگزاری ایلنا (պարսկերեն). Վերցված է 2022-06-19-ին.
- ↑ «ولسیانی به سپاهان پیوست». ایسنا (պարսկերեն). 2019-06-12. Վերցված է 2022-06-19-ին.
- ↑ «Persepolis complete signing of Gvelesiani». Tehran Times (անգլերեն). 2022-06-19. Արխիվացված օրիգինալից 2022-06-20-ին. Վերցված է 2022-06-19-ին.
- ↑ Протокол матча Արխիվացված 2016-05-13 Wayback Machine (անգլերեն)
- ↑ «Spain s Georgia match report». bbc.com. 30 June 2024. Վերցված է 6 July 2024-ին.
Արտաքին հղումներ
[խմբագրել | խմբագրել կոդը]- Պրոֆիլը Դինամոյի (Թբիլիսի) կայքում (վրաց.)
 | Վիքիպահեստն ունի նյութեր, որոնք վերաբերում են «Գիորգի Գվելեսիանի» հոդվածին։ |
| ||||||
