Գիշերային լողորդը

Գիշերային լողորդը;
	Վեպի հայերեն թարգմանության շապիկ
Տեսակ	գրական ստեղծագործություն
Ժանր	վեպ
Ձև	վեպ
Հեղինակ	Հանսյորգ Շերթենլայբ
Երկիր	Շվեյցարիա
Բնագիր լեզու	գերմաներեն
Հրատարակվել է	2012
Թարգմանիչ	Լիանա Սաֆարյան
Հայերեն հրատ.	2017

«Գիշերային լողորդը» (անգլ.՝ Nachtschwimmer), շվեյցարացի գրող և լրագրող Հանսյորգ Շերթենլայբի (Hansjörg Schertenleib) գերմաներեն վեպը, որն առաջին անգամ հրատարակվել է 2002 թվականին, իսկ 2012 թվականին լույս է տեսել լրամշակված տարբերակը։ Առաջին տարբերակի համեմատությամբ փոխվել է վերնագիրը, ընտրվել է այլ հրատարակիչ, փոփոխվել է պատմությունը, որոշ երկրորդական կերպարներ հանվել են^[1]։

Հայերեն տպագրվել է 2017 թվականին «Զանգակ» հրատարակչությունում Շվեյցարիայի դեսպանատան հետ համագործակցությամբ։ Շերթենլայբի գրքերը թարգմանվել են 16 լեզուներով։ «Գիշերային լողորդը» առաջինը գերմաներենից հայերեն է թարգմանել է Լիանա Սաֆարյանը^[2]։ Վեպի թարգմանությունը 2017 թվականի սեպտեմբերի ամենավաճառված գրքերից է եղել Հայաստանում^[3]։

Դիպաշար[խմբագրել | խմբագրել կոդը]

Հանսյորգ Շերթենլայբի «Գիշերային լողորդը» վեպը դեռահաս սերնդի մասին է, տարանցիկ ժամանակների հետաքրքիր հյուսվածք՝ առաջին սիրո, կարոտի, գաղտնիքների, վախերի, հույզերի ու ատելությունների, ինքնակայացման, ծնողների ու միջավայրի դեմ ընդդիմության մի բարդ ճանապարհի մասին։ Վեցօրյա ոդիսականի մեջ բացվում է պատանի հերոսի կենսագրությունը՝ սիրուն ու հաստատման հասնելու ճանապարհը լցնելով գեղեցկության, նվիրումի արժևորումով, պայքարելու կամքով։