Գեորգի Յարցև

Վիքիպեդիայից՝ ազատ հանրագիտարանից
Գեորգի Յարցև
ռուս.՝ Гео́ргий Алекса́ндрович Я́рцев
Դիմանկար
Ծնվել էապրիլի 11, 1948(1948-04-11)[1]
ԾննդավայրՆիկոլսկոե, Կոստրոմսկոյ շրջան, Կոստրոմայի մարզ, ՌԽՖՍՀ, ԽՍՀՄ
Մահացել էհուլիսի 15, 2022(2022-07-15)[2] (74 տարեկան)
ԳերեզմանՊրեոբռաժենսկոե գերեզմանատուն
Քաղաքացիություն ԽՍՀՄ և  Ռուսաստան
Մասնագիտությունֆուտբոլիստ, ֆուտբոլային մարզիչ և մարզիչ
ԿուսակցությունՄիասնական Ռուսաստան
Պարգևներ և
մրցանակներ
Բարեկամության շքանշան
Honored Physical Culture Worker of the Russian Federation Ռուսաստանի վաստակավոր մարզիչ և ԽՍՀՄ սպորտի վարպետ
 Georgi Yartsev Վիքիպահեստում

Գեորգի Ալեքսանդրովիչ Յարցև (ռուս.՝ Гео́ргий Алекса́ндрович Я́рцев, ապրիլի 11, 1948(1948-04-11)[1], Նիկոլսկոե, Կոստրոմսկոյ շրջան, Կոստրոմայի մարզ, ՌԽՖՍՀ, ԽՍՀՄ - հուլիսի 15, 2022(2022-07-15)[2]), խորհրդային ֆուտբոլիստ (հարձակվող), խորհրդային և ռուս ֆուտբոլի մարզիչ, 2003-2005 թվականներին եղել է Ռուսաստանի հավաքականի գլխավոր մարզիչ, ԽՍՀՄ սպորտի վարպետ, Ռուսաստանի վաստակավոր մարզիչ։

Կենսագրություն[խմբագրել | խմբագրել կոդը]

Գեորգի Յարցևը ծնվել է 1948 թվականի ապրիլի 11-ին բազմանդամ ընտանիքում։ 8-րդ դասարանն ավարտելուց հետո ընդունվել է Կոստրոմայի բժշկական դպրոցը, որն ավարտել է բուժակի որակավորամբ։ Ուսումնառության տարիներին հանդես է եկել Կոստրոմայի «Թեքմաշ» ակումբում։ 1970 թվականին՝ ծառայություն տարիներին, 1 խաղ է խաղացել ԲԿՄԱ-ի կազմում (փոխարինման էր դուրս եկել Երևանում), սակայն մարզումների ընթացքում ստացած վնասվածքի պատճառով չի ընդգրկվել ակումբում։ Հետագա ծառայությունը շարունակել է Սմոլենսկի «Իսկրա» բանակային ակումբում, որտեղ մինչև 1970 թվականը նա անցկացրել է 43 հանդիպում և խփել 13 գոլ։ Զորացրվելուց հետո նա մեկ խաղ է անցկացրել ԲԿՄԱ-ի կազմում և վնասվածք ստանալուց հետո թողել ակումբը։

1965-1967 և 1975-1976 մրցաշրջանում Յարցևը հանդես է եկել Կոստրոմայի «Սպարտակի» կազմում, իսկ 1973-1974 թվականի մրցաշրջանում՝ Գոմելի «Գոմելում»։ Յարցևի տաղանդն ամբողջությամբ բացահայտվել է 30 տարեկանում, երբ նրան Մոսկվայի «Սպարտակ» հրավիրեց ակումբի մարզիչ Կոնստանտին Բեսկովը։ Խաղի ընթացքում նա համագործակցել է կիսապաշտպան Յուրի Գավրիլովի հետ, որի փոխանցումից էլ նա խփել է իր գոլերի մեծ մասը։ Ակումբում հաջող խաղի շնորհիվ նա հրավիրվել է ԽՍՀՄ հավաքական։

ԽՍՀՄ առաջնություններում նա անցկացրել է 82 հանդիպում, խփել 38 գոլ։ Յարցևը 19 գոլով ճանաչվել է 1978 թվականի ԽՍՀՄ առաջնության լավագույն ռմբարկու, 1979 թվականին դարձել է երկրի չեմպիոն, իսկ մեկ տարի անց «Սպարտակի» կազմում նվաճել է ՝ առաջնության արծաթե մեդալ։ Մոսկովյան ակումբում իր կարիերայի ընթացքում Յարցևն անցկացրել է 116 հանդիպում և խփել է 55 գոլ։

1981 թվականին Գեորգի Յարցևը տեղափոխվել է Մոսկվայի «Լոկոմոտիվ», որտեղ անցկացրել է 40 հանդիպում և խփել է 12 գոլ։

Յարցևն իր ֆուտբոլային կարիերան ավարտել է 1982 թվականին՝ Մոսկվայի «Մոսկվիչ» ակումբում։

Նա եղել է Մոսկվայի «Սպարտակի», «Դինամոյի», «Ռոտորի», «Տորպեդոյի», «Օրխեյի» և Ռուսաստանի ֆուտբոլի ազգային հավաքականի գլխավոր մարզիչը։

Յարցևն աշխատել է նաև որպես հեռուստամեկնաբան Ռոսիա 2 հեռուստաալիքում, մեկնաբանել 2002 թվականի Ֆուտբոլի աշխարհի առաջնության հանդիպումները։

Նա եղել է Մոսկվայի «Սպարտակի», «Դինամոյի», «Ռոտորի», «Տորպեդոյի», «Օրխեյի» և Ռուսաստանի ֆուտբոլի ազգային հավաքականի գլխավոր մարզիչը։

Յարցևն աշխատել է նաև որպես հեռուստամեկնաբան Ռոսիա 2 հեռուստաալիքում, մեկնաբանել 2002 թվականի Ֆուտբոլի աշխարհի առաջնության հանդիպումները։

2016 թվականի ամռանը դարձել է «Տամբով» ակումբի գլխավոր տնօրենը[3]։ Եղել է «Միասնական Ռուսաստան» կուսակցության անդամ։ 2018 թվականի նախագահական ընտրությունների ժամանակ աջակցել է Վլադիմիր Պուտինին[4]։

Գեորգի Յարցևը մահացել է 2022 թվականի հուլիսի 15-ին, Մոսկվայում[5][6][7]։

Ընտանիք[խմբագրել | խմբագրել կոդը]

  • Կինը֊Լյուբով (հանդիպել է Սմոլենսկում)
  • Դուստրը- Քսենիա
  • Որդին֊Ալեքսանդրը (1972-2007), աշխատել է «Սպարտակի» մանկական թիմում։ 2007 թվականի փետրվարի 19-ին բռնության հետքերով մահացած են գտել սեփական բնակարանում[8]։

Գրականություն[խմբագրել | խմբագրել կոդը]

  • Москва футбольная. Люди. События. Факты: Справочник / Автор-составитель А. В. Савин. — М.: Терра-Спорт, 2000. — 560 с., ил.
  • «Футбол — 1979». Справочник-календарь. Составитель А. Соскин. — Москва: Пресс-бюро Центрального стадиона имени В. И. Ленина, 1979.
  • Матвеев А. Георгий Ярцев. Я плоть от плоти спартаковец! М.: Эксмо, 2012. — 288 с. — (Спорт в деталях). — 3100 экз., ISBN 978-5-699-55116-3
  • Колосков, Вячеслав Иванович В игре и вне игры. — М.: Детектив-Пресс, 2008. — 228 с.
  • Рабинер, Игорь Яковлевич Наша футбольная Russia. — М.: ОЛМА Медиа Групп, 2008. — 480 с. — ISBN 978-5-373-02216-3

Ծանոթագրություններ[խմբագրել | խմբագրել կոդը]

  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 2,2 Источник: скончался бывший тренер сборной России Георгий Ярцев (ռուս.)
  3. ↑ «Тамбов» объявил о назначении Ярцева на пост гендиректора
  4. ↑ Продвижением Putin Team занялся продюсер «Любэ» и «Иванушек International» Игорь Матвиенко Meduza, 22.01.2018
  5. ↑ Андрей Панков. «Последнее интервью в жизни великий Ярцев дал ровно неделю назад. Видео». www.championat.com (ռուսերեն). Վերցված է 2022 թ․ հուլիսի 15-ին.
  6. ↑ Умер легендарный игрок «Спартака» и тренер сборной России Георгий Ярцев
  7. ↑ Умер бывший главный тренер сборной России Георгий Ярцев
  8. ↑ Убит сын Георгия Ярцева Արխիվացված 2014-04-08 Wayback Machine. Газета. Ru.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Գեորգի Յարցև» հոդվածին։
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Գեորգի_Յարցև&oldid=9232529» էջից